Esodo 1:12 - Iaai Bible 1901 (New Caledonia)

¹² Ke e gan hna okongu ödra, ke gan minya ûdudui ʼdrin me si. Ke hmak je hnyekudrin can lakon Isaraela.

Esodo 1:12 ပူးပေါင်းရင်းမြစ်များ

Genese 46:3

Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Jobu 5:2

Anyin a haba hmonyin ame hlingâ at ae monu, Ke haba ciâ ame hlingâ at ame hop.

Salamo 105:24

Me e ame ti osehia lakeiny, Me ohwegi ödra hon ta je iwahnaihmiöny mödra.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Esodo 1:20

Ke Khong ame ohnahicâ li at tuö erkin: kʼ ame dudu but tavat, me ti se hia hmönyin.

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Esodo 1:9

Ke haingen ka lakeiny, ka habe, Wâ bi, haba tavat ûnyi ge laku Isaraela, ödra se hia but me hwege huta:

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Ta je Vejec 27:4

Wathethot ame beovecâ, ke hmonyin ame bahihingölö; Ke ie at ame he ka tot hnyi hnyimakan

Numera 22:3

Ke ame ot gan hmâ at Moaba ge tavat! anyin a ödra se hia: ke ame hlohlo at Moaba ge lakon Isaraela.

Ioane 12:19

Anyin a wale haba ta je Faresaio adre me ûhnenamököuâ, ka habe, Wâ bi, a gʼ ame ca tubun: wâ bi, ame he hoton hmeledrany hia.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Deuteronomi 26:5

Ke u me he ka thu me ha hnyi hnyimakö Iehova Khongom, ka habe, Haba kamök, me, at Suria ame he but ka mok, ke e ame he Aigupito ai, kʼ ame laba atkanyua eling, ke e wakhalet thibi; me e ame wia ka hnyei ae gan, ke hwege, ke se hia: