Esetera 9:3 - Iaai Bible 1901 (New Caledonia)

³ Ke haba tavat muso je ke keihen hnyei, rae tavat musi ae beönua, me je gavena, me tavat adre me ânyâ je huliwa anyin than, me ödrin e hadruâ at Juda; anyin ame ta hudrin ot ga Modikai.

Esetera 9:3 ပူးပေါင်းရင်းမြစ်များ

Ezera 2:2

tavat adre me tha o me Zerubabela, a Jesua, me Nehemia, me Seraia, me Reelaia, me Modikai, me Bilesan, me Misepa, me Bigevai, me Rehum, me Baana. Haba ûseiny tavat aten Isaraela:

Ezera 8:36

Ke ödrin e ha hofuc hwan than ka tavat musi ae beönua anyin than, me je gavena hnyi ke keihen hoton wagewe, me ödrin e hadruâ tavat, me uma minya umen Khong.

Esetera 3:12

Me adre me hawâ tavat sihnalimen anyin than hnyi bong a thötininy tehi a bân, me adre me sihnalimen helâ me hnö Hamana hna hûna ka tavat musi ae beönua anyin than, me je gavena hnyi je ke keihen hnyei, me tavat muso je hnyei; ka ke ke keihen me ke ke keihen hnyei helâ me hna sihnalimen, me ka ke hnyei me ke hnyei hoton hwan je hnyei; ke adre me sihnalimen hnyi iö Asueru than, ke adre me ohmâ haten hnen wen banyen than.

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Esetera 8:5

Ke haingen momo than ka habe, Ame ne so ka than, ke oge ne hia but wâ ibetengiö hnyi hnyimâkâm, ke ame ne wisa ûnyi e hnyi hnyimakan than, ke ame ne senyin könya, awe, e so adre me he ka sihnalimen mʼ adre me he ka thawâ je tusi wale a ûnykûme Hamana nöku Hamedatha at Agaga, waleji e ame sihnalimen he ka ohia at Juda hnyi je ke keihen hnyei hia iny than:

Esetera 8:9

Me adre me hawâ tavat sihnalimen anyin than hnyi ûen eling, hnyi tehi a kuniny wale tehi Sivan, hnyi bong a twente theriny; ke adre me sihnalimen helâ me hna hûna hia ga Modikai ka at Juda, me tavat musi ae beönua, me je gavena, me je taben hnyi je ke keihen hnyei, hwân hnyi India ke ne o but Aithiope, wan haded ke twente seven je ke keihen hnyei, ka hnyi je ke keihen hia hoton hna sihnalimen me ka at Juda hoton hna sihnalimen, me ifucidrin.

Daniela 3:2

Ke haba than Nebukaneza ame ûkhûnöng he ka ûkhacaköuâ tavat musi ae gan, ke je gavena, ke tavat musi, ke tavat owisa, ke tavat tuö omjeû, ke tavat ha bongon hnanyibu, ke tavat ûhnei ge hnanyibu, ke tavat musi hia hnyi hnyei, ka hnyi dok adre me he ka okabâ hnyin hnatheat wale a otilâ hnen Nebukaneza.