Esetera 6:6 - Iaai Bible 1901 (New Caledonia)

⁶ Me ame didro Hamana. Me haba than ame ha kâu, ka habe, Ieû adre me he ka ânyâ ka at hnen than hna beogânâ? Ke haingö Hamana eû hnyi hnyekon, ka habe, Ame he than ka beoganö ia, hawa ca inya la?

Esetera 6:6 ပူးပေါင်းရင်းမြစ်များ

Esetera 1:15

Ieû otin e he ka ânyâ kö Vaseti momo than hoton hnanyibu, anyin a ca ânyâ helâ me hna hûna hnö Asueru than a deny anyin je eunuka!

Esetera 5:11

Ke haba Hamana ame omanenâ ködrin hmanenanginy anyin tang omjeû, me ûseiny je lakon, me ta je ûnyi hia than ame oganâ hnyin, me hnen hna ogöranyâ e hon je than me lathnyabainy than.

Esetera 6:11

Haba Hamana ame hom ûkhaû me hors, me khaûö Modikai, me otabâ e me me he hnyi wanben taun, me kuku tot hnyi hnyimakan, ka habe, Adre me he ka ânyâ helâe ka at hnen than hna beoganâ.

Esetera 6:5

Me haingen lathnyabainy than kâu, ka habe, Wa bi, wale Hamana ame tot hnyi hnyeule. Me haingen than, ka habe, E so e ame he jem.

Esetera 6:7

Me Hamana ame thu ka than ka habe, Haba at hnen than hna beoganâ,

Esetera 6:9

ke adre me he ka hna ûkhaû me hors ka hnyi hnyamen ke taben ae ûnyi hnathu, me me khavâ at hnen than hna beogânâ, me otabâ hon hors me me vheno getheniny taun, me kuku tot hnyi hnyimakan, ka habe, Adre me he ka ânyâ helâe ka at wale hnen than hna beogânâ.

Salamo 35:27

E so e hongot senyin me hobâ tavat adre me senyin ge hwakecik ae wisa: E ke, e so adre me ha bala bi, ka habe, Oganö Iehova thö, Wale at ame senyinâ hnahic anyin athnyabainy.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Ta je Vejec 16:18

Ame bân bi gan, ke biliny bi hnaûhango, Ke ame bân hnyok ae hop, ke biliny bi he ka ta.

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

Ta je Vejec 30:13

E hu dö ae gorany hmonyin je emakodra, Ke ti gorany dö je bademaködra.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Obadia 1:3

A hia but omenu u bi hnen hnyekom ae bi gan, u at ame laba hnyi je op hnyi kic, ethö hnyabam; at ame ha hnyi hnyekon, ka habe, Ie at ame he ka ohnyikânö nya hnyikânâi?

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 14:9

me ame o but at a tha hawʼ öbu, me ha köu, ka habe, Hna thö hobi kâu at ang; me u me he ka hwân hmehma me laba hnyi hna laba ae hnyikânâ.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.