Esetera 6:4 - Iaai Bible 1901 (New Caledonia)

⁴ Haba than ame ha, ka habe, Ie at hnyi hnyeule? Anyin ame o but Hamana hnyi hnyeuleny uma umen than eio, he ka ha ka than he ka uhni Modikai hon tap uto wale ame hia but penapena hnân hobi kâu.

Esetera 6:4 ပူးပေါင်းရင်းမြစ်များ

Esetera 4:11

E khana but lathnyabainy than, me aten je ke keihen hnyei iny than, a haba hnyat hia obaga me omomo, adre me ne he ka than hnyi hnyeule eio, kʼ adre me ca hawâ, me khaca thibi hnanyibu ködrin a gʼ adre me he ka hlingʼ ödrin ke so at ame he than ka inâ kâu uci gol, me me möt bi: ke adre me ca hawo nya he ka he ka than hnyi je bong a thote.

Esetera 5:1

KE haba hnyi bong a kuniny, haba Esetera ame khavâ je ûkhaûen than, me tot hnyi hnyeule eio hnyin uma umen than, cicö uma umen than: ke haba than ame laba hon anyin theron hnyi uma umen than, cicö hwânuma.

Esetera 5:14

Me ame ha kâu Zeres a! âiân me je lahanen hia, ka habe, E so he ka penapena tap uto a fifte je kubit ibeûen goranyai, me nyi u me he ka ûhuenamö me than, mʼ adre me he ka uhni Modikai hnyi hon: ke hwaban e, he senyin dö ka hnyi tha han me than. Ke so hofuc eling kö Hamana; me ame ûkhûnöng he ka ânyâ tap utö.

Esetera 6:3

Me haingen than, ka habe, Ieû hnödra hna ogânâ me ogöranyi Modikai hnyi ûnyi ang? Me haingen lathnyabainy than a hnyat adre me huliwa kâu, ka habe, E ba ûnyi adre me ânyâ kâu.

Esetera 6:5

Me haingen lathnyabainy than kâu, ka habe, Wa bi, wale Hamana ame tot hnyi hnyeule. Me haingen than, ka habe, E so e ame he jem.

Esetera 7:9

Me haingö Harebona a eunuka hnyi hnyi makan than, ka habe, Wâ bi minya tap utö a ânyâ ga Hamana hobi kö Modikai, at ame ha so hobi kâu than, kʼ ame tot bi hnyi uma umo Hamana, ke fifte kubit ibeûen goranyai. Me haba than ame ba, ka habe, Uhno thö e hnyin.

Jobu 5:13

E ame ohnokâ tavat ae metâ hnyi anyi drin je bibihwakeoin: Me ologotâ ûhnenamö anyin tavat adre me bigan.

Salamo 2:4

Ame he at ame laba ethö hnyi drany ka hluma: Ke ame he than ka hiʼ ödra.

Salamo 33:19

He ka hûgûnâ je hanudra ûnyi hnyi mok, Me omeli ödra hnyi ûen hmiâ.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.