Esetera 5:14 - Iaai Bible 1901 (New Caledonia)

¹⁴ Me ame ha kâu Zeres a! âiân me je lahanen hia, ka habe, E so he ka penapena tap uto a fifte je kubit ibeûen goranyai, me nyi u me he ka ûhuenamö me than, mʼ adre me he ka uhni Modikai hnyi hon: ke hwaban e, he senyin dö ka hnyi tha han me than. Ke so hofuc eling kö Hamana; me ame ûkhûnöng he ka ânyâ tap utö.

Esetera 5:14 ပူးပေါင်းရင်းမြစ်များ

II. Samuela 16:21

Ke Ahithofela ame thu kö Abasoloma, ha habe, U me he ka didro ka je momo anyin kâmâm, wale e ame ip he ka tuö uma; ke ame he ka long Isaraela hia a u bon dut ka kâmâm: me ame he ka hwege hnyamen ta je lahiâm.

I. Je Than 21:25

(Ke ba at helâ me Ahaba, wale ame ka ûco e he ka ânyâ hulö hnyi hnyimakö Iehova, kʼ ame âjöngö e âiân jia Jezebela.

I. Je Than 21:7

Me haba Jezebela a âiân ame ha kâu, ka habe, Hawa u at ame muso dökhu hnyi Isaraela? Todrö, han ju, ke so e senyin dö hnyekom: haba inya oge me he bi nya ka ham köu hnyei vine i Nabotha at Jezerela.

Esetera 6:4

Haba than ame ha, ka habe, Ie at hnyi hnyeule? Anyin ame o but Hamana hnyi hnyeuleny uma umen than eio, he ka ha ka than he ka uhni Modikai hon tap uto wale ame hia but penapena hnân hobi kâu.

Salamo 37:14

Haba tavat ae kong adre hia but oc hele vat, me oto cafana; Mʼ adre me he ka hagutâ at ae vec me at ae theduoc, Me hlingâ tavat adre me he wisa hnyi gethen.

Salamo 37:32

Haba at ae kong ame ecmâkâ at ae wisa Me elâm he ka hlingâ e.

Salamo 9:15

Haba ta je hnyei adre me û but hnyi thop adre hia but ânyâ: Kʼ ame hnok dö je cadra hnyi ert adre me ikhâlâ.

Ta je Vejec 1:18

Ke haba je hnyat eling adre me khöu mokut kodra bi, Adre me mokut duöng kodra bi.

Ta je Vejec 4:16

Anyin adre me ca mokut ödra ka ca ânyâ hulo; Ame hia but hnödra bemokut ödra ka ca othöâ keihen.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Roma 3:15

E logot li cadra he ka hingâlâ dra;

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.