Esetera 4:4 - Iaai Bible 1901 (New Caledonia)

⁴ Haba je hlu anyi Esetera me anyin je eunuka ödrin e o me thumeto e; me ame hlöuhlöu gan hmâ momo than; me e ame ûkhûnöngâ je ûkhaû he ka khaûö Modikai, me hom ûnyi gan mano ae gan ʼnân: ke e ame ca kap.

Esetera 4:4 ပူးပေါင်းရင်းမြစ်များ

Genese 37:35

Ke ame todrö je lakon hia je baga me hlu he ka otubwelâ e; ke e höcö tubwet, ke haingen, ka habe, Oge me he ka tenge can nökuk ke ne o but ka hnyi erkemok. Wale hna tengiâ e hnen kamen.

II. Je Than 9:32

Me e ame hngele hnyidranyai ka hnyi mamalama, me ha, ka habe, Ia ame tha hien mönya? ia? me ame selatâ e li at a lo ame ne kun a je eunuka.

Esetera 1:12

Ke haba Vaseti momo than ame höcö he ka he hoton hofuc hwan than a deny anyin je eunuka: anyin a wale ame hmonyin than, kʼ ame ubâhlâ anyin hmonyin.

Esetera 4:3

Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

Esetera 4:5

Me Esetera ame hawo Hatak, ke eunuka anyin than, wale e ame otilâ hobi kâu, me bi hofuc kö Modikai he ka wâ ieû ang, ke ieû bongon.

Salamo 77:2

Oge me elâm Khong hnyi bonginy anyik vec: Oge me inâ hnyamok hnyi lit, me ca menâ bi; E höcö hanuk he ka kap ûnyi hnân otubwelâ.

Isaia 56:3

Ke haba khaca, e so ame ca he atkanyua, at ame hia but ûkhacaköu kö Iehova ka ha, ka habe, E hnathu ame he Iehova ka obö nya ûnyi hnyi iny hnyei: ke haba khaca, e so ame ca he eunuka ka ha, ka habe, Wâ bi, inya ang ûö ae mada.

Jeremia 31:15

Walang hna ha hnö Iehova, ka habe, Adre me long hnyi Rama, hwa tenge thungaû, me tenge hwege, Rakela ame tenge ge lakon; kʼ ame ca tubet bala bi ge lakon, anyin adre aû but.

Ta je huliwa 8:27

Me e ame todrö me he: ke wâ bi ke at Aithiope, wale eunuka ae nua hanymen unyi Kanadaki, momo than Aithiope, kʼ ame tuö tang omjehen momo eling hia, kʼ ame o thö Jerusalema ai he ka hnyi hmi;

I. Samuela 8:15

Ke e ame he ka hom ke keihen a libenyitainy hatungu-bun je hatong, me ibun je hnyei vine, me ham bi ka je taben unyin me lathnyabainy.