Esetera 4:3 - Iaai Bible 1901 (New Caledonia)

³ Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

Esetera 4:3 ပူးပေါင်းရင်းမြစ်များ

Esetera 1:1

HABA hnyi je bong bongu Asueru (haba Asueru ling ame musi hwân hnyi India ke ne o but hnyi Aithiope, ke hnyi je ke keihen hnyei a wan haded ke twente seven:)

Esetera 3:12

Me adre me hawâ tavat sihnalimen anyin than hnyi bong a thötininy tehi a bân, me adre me sihnalimen helâ me hnö Hamana hna hûna ka tavat musi ae beönua anyin than, me je gavena hnyi je ke keihen hnyei, me tavat muso je hnyei; ka ke ke keihen me ke ke keihen hnyei helâ me hna sihnalimen, me ka ke hnyei me ke hnyei hoton hwan je hnyei; ke adre me sihnalimen hnyi iö Asueru than, ke adre me ohmâ haten hnen wen banyen than.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Esetera 4:2

ke e ame o but hnyi hnyimakan homagouleny than: anyin ame ca he ka delec homagouleny than at ame khavâ ec mano ae gan nân.

Esetera 4:4

Haba je hlu anyi Esetera me anyin je eunuka ödrin e o me thumeto e; me ame hlöuhlöu gan hmâ momo than; me e ame ûkhûnöngâ je ûkhaû he ka khaûö Modikai, me hom ûnyi gan mano ae gan ʼnân: ke e ame ca kap.

Esetera 9:31

me me tot hmâ li bonginy Puro ang, hnyi li ûen adre me thu, helâ me Modikai at Juda me Esetera momo than ame hûna ködrin, ke haba khaca helâ me hnödrin hna owisa hnân hobi ködrin bi me ta je mâtrânidrin, a ta je ûnyi ge ca han me anyidrin tenge.

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 22:4

Anyin a wale, haingök, Hwio thö gak, oge me he ka tenge hwege; ca huliwa bi he ka otubweli nya, can hna okongoâ hluiny ik hnyei.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Ezekiela 27:30

ke adre me he ka olungâ anyidra hwatenge gam, ke adre me he ka tenge hwege, me konâm je bödra ge kânâ, me hinö hnyi dröu:

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Jona 3:6

Ke ame o but ûthumetu ka than Nineve, me e ame todrö ûheny hnyi anyin theron, me uny jut anyin ûkhaû me khavâ ec mano ae gan nân, me laba ju hnyi hnabadröu.

Mataio 13:42

me khûʼ ödrin ka hnyi thopiny meic: kʼ adre me he ka tenge me ûgiö ganyudra eling.

Mataio 22:13

Ke haba than ame ha ka lathnyaba, ka habe, Ca ju li can ke li hnyamen, me khûâ but ka hnyi menekholom hnyou, dok adre me tenge hnyin me ûgiö ganyon.

Mataio 25:30

Ke khûâ but athnyaba ae ûnyi baû ka hnyi menekholom hnyou: ame he ka tenge eling me ûgiö ganyon.

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

I. Samuela 11:4

Me ame o je metâ hnyi Gibea i Saulo me thumeto tavat ge ta je hofuc eling: me ame tenge gan hmâ tavat hia.