Esetera 4:16 - Iaai Bible 1901 (New Caledonia)

¹⁶ He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Esetera 4:16 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Genese 43:14

ke so e he Khong Aekhanahia ka okûâ köbun betenge hnen at me me tha kunâ möbun liamekeiny möbun me Beniamina minya. Kʼ adre ne ohia lakuk, hawe, iny kong ut.

II. Samuela 10:12

Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

II. Je Than 7:4

Otin e ne ha, ka habe, Ötin a he ka hnyi taun, ke e hmiâ hnyi taun, me otin e he ka mok eling: ke otin e ne laba bala eang, otin e he ka mokcu minya. Ke walang ang otin a kec ka hnyi utbavat anyin at Suria: ödrin e ne he ka omeli otin, otin e he ka möt; ke ödrin e me hlingʼ otin otin e he bi ka mokcu.

II. Man Ûlabainy Je Than. 20:3

Ke haba Jehosafata ame ot me hwân he he ka elâm unyi Iehova: me otilâ he ka ca han ehe e hnyi Juda hia.

Ezera 8:21

Ke oge me haimemenâ ûen he ka ca han eling hnyi wagewe Ahava, me hom ûhnyûkongi öhmun bi hnyi hnyimakan Khonguhmun, he ka elâm gan dehmun gethen ae wisa, me je wanakat gahmun, me anyihmun ta je ûnyi hia thithö.

Esetera 4:15

Me haba Esetera ame ha he ka thu kö Modikai, ka habe,

Esetera 4:17

Ke haba Modikai ame he but, me ânyâ hia helâ me hna hûna hnö Esetera.

Esetera 4:3

Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

Esetera 5:1

KE haba hnyi bong a kuniny, haba Esetera ame khavâ je ûkhaûen than, me tot hnyi hnyeule eio hnyin uma umen than, cicö uma umen than: ke haba than ame laba hon anyin theron hnyi uma umen than, cicö hwânuma.

Esetera 9:31

me me tot hmâ li bonginy Puro ang, hnyi li ûen adre me thu, helâ me Modikai at Juda me Esetera momo than ame hûna ködrin, ke haba khaca helâ me hnödrin hna owisa hnân hobi ködrin bi me ta je mâtrânidrin, a ta je ûnyi ge ca han me anyidrin tenge.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Jeremia 36:9

Ke haba hnyi huna a thabûngi Jehoiakima nöku Josea, than Juda, hnyi tehi a naininy, me ame haimemenâ he ka ânyâ ca han hnyi hnyimakö Iehova hnen tavat hia hnyi Jerusalema, me tavat hia tavat adre me he ûnyi hnyi je tauniny Juda Jerusalema ai.

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Mataio 12:40

anyin a Jona ame laba hnyi hnyin wâ ae gan kun ta lany ke kun ta lit: helâe ame he Nokon at ka laba hnyi hnyin kânâ kun ta lany ke kun ta lit.

Luka 9:24

Anyin a haba at ame beomelö anyin möt, me ame he ka hia e; ke haba at ame hna but anyin möt can inya, me adre me he ka omelö e.

Ioane 19:22

Haingö Pilato, ka habe, Haba hnok hna sihnalimen, me oge hia but sihnalimen.

Ta je huliwa 10:7

Ke ame he but angela at a fuc kâu, me e ame hawâ li lanyin me ke soja at ame outen Khong hanen tavat adre me bi athnyabainy hnyi je bong;

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Ta je huliwa 27:33

Ke ame he but ka lany, haba Paulo ame ûjongi ödra hia he ka han, haingen, ka habe, Walang bong a fortininy öbun e lubahingen me ca han, ke ba bala ûnyi öbun e an.

Ta je huliwa 9:9

Ke kun ta bongon ka wadröu but, ke ame ca han me ic.

Roma 16:4

waleji a li at ödre ip li nyidru me hnân hwabök; ca hake inya thibi oge me oleâ ködru, ke so bi ta je ekalesia hia minya anyin Aten ta je hnyei:

Filipi 2:30

anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

I. Samuela 19:5

ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?