Esetera 4:14 - Iaai Bible 1901 (New Caledonia)

¹⁴ Anyin a u je ne laba hnyibû hnyi ûen ang, me ame he ka hu menâ me möt ka at Juda ûnyi hnyi ke dok bi, ke haba u, me lap anyin kâmâm, me, adre me he ka ohia hia: ke khanö ia, hawa, ame ne o but köu dokhu hnân hobi kâu ûen helâng?

Esetera 4:14 ပူးပေါင်းရင်းမြစ်များ

Genese 22:14

Ke Aberahama ame hwenyi ien dok e, ka habe, Iehova-irae: helâ me hnödra hna labö ha ke ne o but hnyi bong ang, ka habe, Adre me he ka penapena e hnyi bucen anyi Iehova.

II. Je Than 13:5

(Me haba Iehova ame ham ka at Isaraela at ûhomeli, mʼ ödrin e didrut ûnyi hnyi hmelen hnyamen at Suria: kʼame laba hnyi umödrin je uma mano lakon Isaraela helâji me ehac.

II. Je Than 19:3

Ke ödrin e ha kâu, ka habe, Walang hna ha hnö Hezekia, ka habe, Haba bong ang bonginy vec, me û, me ûhaikonguny: anyin a o ûen o a je wanakat, ke ba tang hwegien he ka hnokoâ.

Ezera 9:9

Anyin a ohmun hoûbâ; ke so bi Khonguhmun ame ca hnying ohmun hoûbâ, ke e ame okûâ ibetengiö hnyi hnyimakan than Peresi he ka ham kohmun ûhomeli, mʼ adre me otilâ uma umen Khonguhmun, me ânyâwia dok adre me thö, me he ka hna kohmun ke hak hnyi Jerusalema me Juda.

Nehemia 6:11

Ke haingök, ka habe, Ame he at a helâ mönya ka kec? ke ewa at ae ûcû mönya ame he ka kec ka hnyin uma kap he ka omelö e bi? Oge me ca he ka kec ka hnyin.

Esetera 2:15

Ke ame o but ûö Esetera, nöku Abihaila, liamekeiny me kamö Modikai, at a hom e me me nokon, he ka he ka than, me haba hlu eling ame ca weny bi ke ûnyi, ke so bi hna ha thibi hnö Hege eunuka anyin than, at ame tuö je momo. Ke ame so Esetera hnyi hnyimakan tavat hia adre me wâ e.

Esetera 2:17

Ke haba than ame weny Esetera hon je momo hia, ke e gan hmâ hnen hna betenge gan, ke e ame weny e hon je hlu hia thithö; me e ame obicâ e ge korona anyin than, me hom e hnân momo than hwabö Vaseti.

Esetera 2:7

Ke e ame hat Hadasa, wale Esetera, a nokon liamekeiny me kamen; anyin ae ba kamen me hinyen, ke hlu ae so hnyimakan ke hmanenang; haba Modikai ame hom e me me nokon bi hnyi ûen ame mokcu kamen me hinyen.

Esetera 4:13

Me Modikai ame ha he ka thu kö Esetera, ka habe, Ca he ka ûnykûme hnyi hnyekom a gʼ ame he ka mok hia at Juda, ke u ma he biju ka möt hnyi uma umen than.

Esetera 4:15

Me haba Esetera ame ha he ka thu kö Modikai, ka habe,

Jobu 9:18

E ame ca he ka hnö nya he ka menâ, E ame ounöngöti nya ge je ûnyi ae hiny.

At Khet 3:7

ûen kia, me ûen tibet; ûen laba hnyibû, me ûen fuc;

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Levitiko 26:42

awe, oge me he ka ûnykûme hnok hna ûhihinyköu me Jekob; me hnok hna ûhihinyköu me Isaaka; ke oge me he ka ûnykûme hnok hna ûhihinyköu me Aberahama; ke oge me he ka ûnykûme ka hnyei.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Owisa 15:6

Ke haingen at Filisiti, ka habe, Ia ame ânyâ e? Me ödrin e thu, ka habe, Hnö Samasona ûngon at Timinatha, anyin a e ame hom âiân, me ham ka hanen. Haba at Filisiti ödrin e he me thong hlu me kamen ge meic.

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.

I. Samuela 17:29

Ke haingö Davita, ka habe, Ieû oge ânyâ walang ang? Hawa, e ba can?