Esetera 4:1 - Iaai Bible 1901 (New Caledonia)

¹ KE a wâ but Modikai ta je ûnyi hia thithö adre ânyâ, haba Modikai ame kia anyin je ûkhaû, me khavâ ec mano ae gan nân, me botru dröu, me he hnyi wanben taun, me fuc hwege goranyai me tenge:

Esetera 4:1 ပူးပေါင်းရင်းမြစ်များ

Genese 27:34

Ke a löng ut Esau hofuc hwan kamen, me e ame tenge gan hmâ hmönyin, me haingen ka kamen, ka habe, Cica lö, hahnahici nya minya thö walö nya eang.

Genese 37:34

Ke Jekob ame kia anyin je ûkhaû, me khavâ mano ae gan nân me tenge can nokon, ae se hia je bong.

II. Samuela 1:11

Ke Davita ame kât anyin je ûkhaû, me kia, ke helâe minya tavat hia unyin:

II. Samuela 13:19

Me haba Tamara ame ip dröu ka hnyi hon ban, me kia ûkhaû ae ve makan a khavâ, me hai hnyamen hon ban, me tenge tot.

Esetera 4:2

ke e ame o but hnyi hnyimakan homagouleny than: anyin ame ca he ka delec homagouleny than at ame khavâ ec mano ae gan nân.

Esetera 4:3

Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Isaia 22:4

Anyin a wale, haingök, Hwio thö gak, oge me he ka tenge hwege; ca huliwa bi he ka otubweli nya, can hna okongoâ hluiny ik hnyei.

Isaia 37:1

KE a long ut Hezekia than me e ame kia anyin je ûkhaû, me khavi ecmano ae gan nân, me dit ka hnyi uma umo Iehova.

Isaia 37:2

Ke e ame kunö Eliakima at ame muso hnyaba, me Sebena at sihnalimen, me wahingat a tavat bi hut, adre ve khavâ ecmano ae gan nân, kö Isaia perofeta nöku Amosa.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Ezekiela 21:11

Ke adre ham e he ka khet me me hom hnen hnyam: ame so hwan hele vat, eke, adre khet e me ham ka hnyi hnyamen at ûhlingö.

Ezekiela 21:6

Anyin a wale, nokon at lö, mâng ju; u me he ka mâng hnyi hnyimakodra ke hmetru but li jebalainom me hmak.

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

Ta je huliwa 14:14

A long ut li aposetolo wale Banaba me Paulo, me ödru me kia but anyidru li ûkhaû, me wadring ka hnyi wanben tavat ae se hia, me fuc hwege,

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.