Esetera 3:8 - Iaai Bible 1901 (New Caledonia)

⁸ Ke haba Hamana ame ha kö Asueru than, ka habe, E hu tavat adre me vese me ve laba hnyi je hnyei a je ke keihen hia hnyi dokhom dokhu; ke e ke anyidrin je hnanyibu me ta ogo hnyei hia thithö; ke ödrin e ca ânyâ je hnanyibu anyin than: anyin a wale e ca ûcû bi ka than he ka hokhnyoki ödrin.

Esetera 3:8 ပူးပေါင်းရင်းမြစ်များ

Ezera 4:6

Ke haba hnyi musi anyi Asueru, hnyi ûen e ame hwân ka musi, ödrin e sihnalimen kâu he ka haikongoâ aten Juda me Jerusalema.

Nehemia 1:8

Ö u ûnykûme thö hofuc waleji u je hûna kö Mose a athnyabaem, ka habe, Öbun, ka he ka ânyâ hwakecin ae kong, me oge me he bi nya ka ovesei öbun ka hnyi je hnyei:

Esetera 3:9

Awe, ame ne so ka than, me so adre me sihnalimen mʼ adre me ohiʼ ödrin; ke hamök bi he ka ham ten thauzan je talan sileva ka hnyat adre me ânyâ huliwa anyin than, mʼ adre me hom e ka hnyi tang omjehen than.

Esetera 4:1

KE a wâ but Modikai ta je ûnyi hia thithö adre ânyâ, haba Modikai ame kia anyin je ûkhaû, me khavâ ec mano ae gan nân, me botru dröu, me he hnyi wanben taun, me fuc hwege goranyai me tenge:

Jeremia 33:24

Hawa, u me ca ûnykûme hofuc hwan tavat ang waleji a haingodra, ka habe, Haba li lap waleji a ûca Iehova, me e ame hna degecâ but? ke adre me hûkotiâ lakeik, me me ca hnyei hmetu bi hnyi hnyimakodra.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Ezekiela 11:16

anyin a wale, ha thö, ka habe, Walang hna ha hnen Than Iehova, ka habe, Eja ke ne oge ne hia but ûsâkâû ödra unyin je hnyei, ke eja ke ne oge ne hia but ovesei ödra unyin je hnyei, oge me he bi nya ka dok ae kap kodra hnyi ûen ae ûhnyûkong hnyi je hnyei adre me he ka o ka hnyin.

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Daniela 3:8

Anyin a wale hnyi ûen eling ame hakekeny keihen at Kaledaia, me khûâ at Juda.

Daniela 6:13

Me adre me thu me ha ka than, ka habe, Haba Daniela hanen je bâ anyin at Juda, me e ame ca outö u, than, me hnanyibu u je set iâm hnyin, ke e ame ibi okun sumâtâ ta je ûnyi hnyi je bong.

Daniela 6:14

Ke a long ut than hofuc eling, me e ame vec gan hmâ, me ip hmâ hnyi hnyekon he ka omeli Daniela: ke e ame huliwa ke ne o but ame didrut seûno he ka omelo e.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.

Numera 23:9

Oge me wâ e ûnyi hnyi hon kic, Oge bwele kâu ûnyi hnyi dok ae görany: Wâ bi, wale tavat adre me he ka hake laba, Kʼ adre me ca he ka tha öû ödra me ta je hnyei.

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Ta je huliwa 24:5

Anyin a ohmun e wâ but at ang ame bi jönihmun, kʼ ame okûâ ûhûgûnö dokhu unyin at Juda hia eang hmeledrany, haba e me homakan at Nazareta:

Ta je huliwa 28:22

Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,