Esetera 3:7 - Iaai Bible 1901 (New Caledonia)

⁷ Haba hnyi tehi a bân, wale tehi Nisan, hnyi huna a twelviny musi anyi Asueru, me ödrin e ânyâ Puro, wale ugleköb, hnyi hnyimakö Hamana hnyi ke bong me ke bong, me ke tehi me ke tehi, ke ne o but hnyi tehi a twelviny, wale tehi Adara.

Esetera 3:7 ပူးပေါင်းရင်းမြစ်များ

Ezera 4:6

Ke haba hnyi musi anyi Asueru, hnyi ûen e ame hwân ka musi, ödrin e sihnalimen kâu he ka haikongoâ aten Juda me Jerusalema.

Ezera 6:15

Ke adre me umo uma eling hnyi bong a kuniny tehi Adara, wale hnyi huna a siksiny musi anyi Dariu a than.

Nehemia 2:1

KE haba hnyi tehi Nisan, hnyi huna a twentei Aretaseta than, ke e hnyi hnyimakan waina, ke oge me kât waina, me ham ka than. Ke ea bonguk ehac he ka hmak hnyi hnyimakan.

Esetera 1:3

hnyi huna a kuniny anyin musi, me e ame ânyâ bijeû ka anyin je taben, me lathnyabainy; ke e unyin hmanenanginy Peresi me Madai, je taben me latuhan ta je hnyei:

Esetera 2:16

Ke adre me hum Esetera kö Asueru than ka hnyi uma umen than hnyi tehi a teniny, wale tehi Tebeth, hnyi huna a seveniny anyin musi.

Esetera 9:1

KE haba hnyi tehi a twelv, wale tehi Adara, hnyi bong a thötininy, kʼ ame hakekeny dö he ûen he ka ohwâda hnanyibu me hna hûna hnen than, kʼ ame ûnykûme je iwahnaihmiony me at Juda he ka hu man hudrin; ke so bi adre me wia hmetu bi me me he ka hu man ge at Juda hon tavat adre me hûkötiʼ ödrin;

Esetera 9:21

he ka ha ködrin, mʼadre me he ka wia bong a fotininy tehi Adara, me bong a fiftininy minya, hnyi ke huna me ke huna,

Esetera 9:5

Ke haba at Juda ödrin e kot je iwahnaihmiony mödrin hia thithö ge hele vat, kʼ adre me hlingâ, me ohia, me ânyâ wedrin bi ka tavat adre me hûkötiʼ ödrin.

Ta je Vejec 16:33

Adre me khûâ leköp ka hnyi hon li jevan, Ke hamö Iehova he ka muso hia.

Mataio 27:35

Ke adre hia but osatauroâ e, me adre me khenâ anyin je ûkhaû kodra bi, adre me ugleköbâ: