Esetera 3:13 - Iaai Bible 1901 (New Caledonia)

¹³ Ke adre me kunâ tavat wadringâ je tusi ka hnyi je ke keihen hnyei iny than, he ka ohia me hlingâ, me oba at Juda hia thithö, tavat ae ûhnyûkong me wahingat, me ta je wanakat me omomo, hnyi bong a khaca, wale hnyi bong a thötininy tehi a twelviny, wale tehi Adara, ke adre me he ka söh anyidrin ta je ûnyi.

Esetera 3:13 ပူးပေါင်းရင်းမြစ်များ

II. Man Ûlabainy Je Than. 30:6

Me ame he but tavat, kʼ ödrin e ve hom je tusi ûnyi ge than me anyin je taben ka hnyi je ke keihen Isaraela hia me Juda, kʼ ödrin e ha hoton hnanyibu anyin than, ka habe, Öbun lakon Isaraela lö, hwio hmetu ju öbun kö Iehova, Khongu Aberahama, me Isaaka, me Isaraela, me e ame he bi ka; hmetu köbun je kolon tavat adre me kec möt ûnyi ge than Asuria.

Esetera 7:4

ânyin a adre hia but ûcû ohmun, inya me ik hnyei, he ka ohia, me hlingâ, me oba. Ke adre ne hia but ûcû ohmun hnân lathnyaba obaga me omomo, me oge me ne he ka laba hnyibû, ke so bi, ae ca ûcû iwahnaihmiony, me je omjeû anyin than ame he ka hia.

Esetera 8:5

Ke haingen momo than ka habe, Ame ne so ka than, ke oge ne hia but wâ ibetengiö hnyi hnyimâkâm, ke ame ne wisa ûnyi e hnyi hnyimakan than, ke ame ne senyin könya, awe, e so adre me he ka sihnalimen mʼ adre me he ka thawâ je tusi wale a ûnykûme Hamana nöku Hamedatha at Agaga, waleji e ame sihnalimen he ka ohia at Juda hnyi je ke keihen hnyei hia iny than:

Esetera 9:1

KE haba hnyi tehi a twelv, wale tehi Adara, hnyi bong a thötininy, kʼ ame hakekeny dö he ûen he ka ohwâda hnanyibu me hna hûna hnen than, kʼ ame ûnykûme je iwahnaihmiony me at Juda he ka hu man hudrin; ke so bi adre me wia hmetu bi me me he ka hu man ge at Juda hon tavat adre me hûkötiʼ ödrin;

Esetera 9:10

je laku Hamana, noku Hamedatha, iwahnaihmiony me at Juda, ödrin ten, adre hlingâ; ke so bi ödrin e ca söh bi anyidrin ta je ûnyi.

Esetera 9:5

Ke haba at Juda ödrin e kot je iwahnaihmiony mödrin hia thithö ge hele vat, kʼ adre me hlingâ, me ohia, me ânyâ wedrin bi ka tavat adre me hûkötiʼ ödrin.

Jobu 9:25

E logot bonguk je bong hon at ae hâhâ li can: Kʼ ame kec ut, kʼ ame ca wâ so.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Jeremia 51:31

Ame he ke at ame wadring ka iouny me ke at ame wadring, kʼ ame he ke ûthumetu ka iouny me ke ûthumetu, he ka thumeto than Babulona a gʼ adre hia but kot anyin taun hnyi je ke keihen hia:

Roma 3:15

E logot li cadra he ka hingâlâ dra;

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 22:19

Ke e ame kot Nob taun anyin tavat bihut ge hele vat, obaga me omomo, je wanakat me mendreng, me je bolok, me asina me mamoe, ge hele vat.