Esetera 2:23 - Iaai Bible 1901 (New Caledonia)

²³ Ke haba hnyi ûen adre me uhno ûnyi eling, ke adre me wâhmakhmeto ae hnathu, me adre me tha uhni ödru hnyi ke ûö: me adre me sihnalimen e hnyi tusi hnân ha je bong hnyi hnyimakan than.

Esetera 2:23 ပူးပေါင်းရင်းမြစ်များ

Genese 40:19

ke tiga ca um kun ta bong ame he Farao ka ogörânyâ bâm ûnyi hnyi unyâm, me uhni u hnyi ûö; kʼ ame he ka an unyâm hnen ta je meno ame gâ.

Genese 40:22

ke e ame uhno taben tavat bi han, helâ me hnö Josefa hna ha bongon ködru.

Ezera 4:15

mʼ adre me he ka elâm hnyi tusi hnân oûnykûmeâ anyin lakâmâm: mʼ u me he wâ hnyi tusi hnân oûnykûmeâ me khana a gʼ ame thu musi taun ang, kʼ ame okongoâ ta je than me ta je hnyei, ke haba ehac ödrin e ûhûgûnö musi anyin than hnyin: ke wale can adre me ohia taun ang ehac.

Esetera 10:2

Ke haba ta je ûnyi e ame ânyâ ge tang hwegien me maniny man, me hna omanenâ ûgani Modikai, wale hnen than hna ogöranyâ, hawa, adre me ca sihnalimen hnyi tusi hnân ha je bong bongon je than Madai me Peresi!

Esetera 5:14

Me ame ha kâu Zeres a! âiân me je lahanen hia, ka habe, E so he ka penapena tap uto a fifte je kubit ibeûen goranyai, me nyi u me he ka ûhuenamö me than, mʼ adre me he ka uhni Modikai hnyi hon: ke hwaban e, he senyin dö ka hnyi tha han me than. Ke so hofuc eling kö Hamana; me ame ûkhûnöng he ka ânyâ tap utö.

Esetera 6:1

HABA hnyi lit eling ame ca mokut bi than; me e ame ûkhûnöng he ka hom tusi hnân oûnykûmeâ ka hnyi ta je bong eji, me adre me aû e hnyi hnyimakan than.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Josua 8:29

Ke e ame uhno thaniny Ai hon ûö ke ne o but hnyi sahac: ke hnyi ûen ame didrut seûno Josua ame ûkhûnöng he ka hom but hnyikânâi unyin ûnyi hnyi ûö, me khûâ e hnyi homagouleny taun, me khon veten hon e ae gan hmâ, ke ne o but hnyi bong ang.