Esetera 1:4 - Iaai Bible 1901 (New Caledonia)

⁴ me e ame omanenâ tang omjeûiny dokhon dokhu ae hmanenang, me meciny anyin musi ae so, hnyi je bong ae se, a wan haded ke eite je bong.

Esetera 1:4 ပူးပေါင်းရင်းမြစ်များ

I. Man Ûlabainy Je Than. 29:25

Ke haba Iehova ame ti oganö Solomona hnyi hnyimakan at Isaraela hia, me ham kâu hmanenanginy than, ke ca helâe ke than Isaraela ehac.

Esetera 1:3

hnyi huna a kuniny anyin musi, me e ame ânyâ bijeû ka anyin je taben, me lathnyabainy; ke e unyin hmanenanginy Peresi me Madai, je taben me latuhan ta je hnyei:

Esetera 1:5

Ke ame um dö je bong eling, me haba than ame ânyâ ke bijeû ka tavat hia a ödra hnyi Susani hnyaban than, ka tavat ae gan me tavat ae ûhnyûkong, hnyi seven ta bong, hnyi hnyeuleny utkânâhnyi ama umen than;

Jobu 40:10

Bethe theibi u thö ge beönua me oganâ; Ke khaûö u ju ge hmanenang me hwakecin than.

Salamo 145:5

Oge me he ka ûnykûme hmanenanginy ûgânâm ae mec, Me hnâm ta je hna ânyâ hnân lâiâ.

Salamo 21:5

E gan anyin mec ûnyi hnyi ânyâm ûhomeli: U je ip hon, hmanenang me ogânâ.

Salamo 45:3

At ae hwege lö, weikâ ju ânyâm hele vat hon jevam, Wale ânyâm hmanenang me bongon than gam.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Isaia 39:2

Me Hezekia ame senyin ködrin, me omanenâ ködrin tang omjehen, wale sileva me gol, me je uto ae bo so, me wakaco ae so, me uma umen omjehen vat hia, me ta je ûnyi hia eû hnyi tang omjehen: e ba ke ûnyi hnyi umen uma me hnyi dokhon dokhu hia a ca omanenâ Hezekia ködrin.

Ezekiela 28:5

u je hia but osehia ânyâm ta je ûnyi hnen ûganiny ânyâm metâ, ke hnâm hna ûcû, me bi gan hnyekom hnen tang omjehem:

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Daniela 4:36

Hnyi ûen eling ame hmetu hnyekuk könya; ke ame hmetu thö könya anyik lung ke anyik hmanenang, me me mec dökhuk dokhu; ke ame elom nya hmetu hnen anyik tavat ûhnenamö me anyik je taben; ke adre ohmö nya hmetu thö hnyi dökhuk dokhu, ke adre bi hanen anyik hmanenang ae gan.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Mataio 4:8

Ke haba diabolo ame hom hmetu e ka hnyi bucen ae beû hmâ, me omanenâ kâû ta je dökhu hia eang hmeledrany, ke ta je hmanenanginy;

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.