Efeso 6:9 - Iaai Bible 1901 (New Caledonia)

⁹ Ke haba öbun je than, ânyâ helâe minya ju öbun ködra, ca ooti ödra: anyin ae khanʼ öbun a ethö hnyi drany tha Tuhöbun mʼ ödra, ke e ame ca wâhmakhmetoâ bi tavat.

Efeso 6:9 ပူးပေါင်းရင်းမြစ်များ

Nehemia 5:5

Ke walang ang haba je unyihmun e ûcû me unyin je liamekeiny möhmun, me je lakuhmun e ûcû me je lakudrin: ke wâ bi öhmun e ham lakuhmun obaga me wahlu hnân lathnyaba, ke adre hia but hom keihen lakuhmun je hlu hnân bi athnyaba: ke ba manihmun he ka thawâ; anyin ae unyin keihen bi ihmun je utkânâ, me ihmun je hnyei vine.

Jobu 34:19

Awe, hawa ge at ame ca wâhmakhmetoâ je than, Me ca oûnyihnatho at ae tren omjeû hon at ae theduoc; Anyin a huliwa anyin li hnyamen ödra hia.

Salamo 140:12

E khauö nya but a gʼ ame he Iehova ka ânyâ wisa ka at ae vec, Me owisa ka at ae theduoc.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:6

ke haba at ame ca he ka hnyi ta, me khudrung, me adre me he ka khûâ e hnyi awa eling ka hnyi thop ae möt hnyin meic.

Levitiko 19:13

U me ca he ka okongoâ at ame laba hakekenyi u, me hûgûnâ anyin ta je ûnyi: haba hwaban athnyaba u je hawâ, ame ca he ka mokut unyâm hnyi hnyinghet ke ne o but hnyomakatu.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 22:10

Me ame he but lathnyaba eling ka hnyi ta je gethen, me ûkhacahöuâ hia tavat ödrin e wâ, tavat ae kong ke tavat ae so: me ame unöngöt hna faipoipo ge at.

Mataio 22:8

Me e ame ha ka lathnyabainy, ka habe, Adre hia but penapena bijeûiny faipoipo ke ca ûcû ödra bi, a tavat adre me bödra ka hawâ.

Mataio 24:48

Ke a ne ha athnyaba ae kong eû hnyi hnyekon, ka habe, E tiga bec Tuhok;

Mataio 24:51

me ame he ka subâ luâ e, me ha jekhon unyin tavat thoi hnyok; ame he ka tenge eling me ûgiö ganyon.

Mataio 7:12

Anyin a wale, haba ta je ûnyi öbun e weny e me he tavat ka ânyâ köbun, ânyâ thö e kodra: anyin a wale hnanyibu me ta je perofeta.

Luka 6:31

Ke haba hnobun hna weny tavat he ka ânyâ köbun, me ânyâ helâ ju e kodra.

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Roma 2:11

anyin a Khong ame ca bi haten tavat.

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

I. Korinito 7:22

Anyin a haba at adre me hawa hnyi Than, ke tiga athnyaba, me adre me wia e me at he baû anyin Than: helâe minya haba at adre hawâ, ke at he baû, me adre me wia e me athnyabainy Keriso.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Kolose 3:25

Anyin a haba at ae ca wisa, ame he ka hu hwaban hwakecin ae ca wisa: ke ba hna wâhmakhmetoâ bi tavat.

Kolose 4:1

JE than lö, ham dö ka je athnyabaibun ûnyi ae wisa me ûcû; anyin ae khanʼ öbun ae hu Tuhöbun ethö hnyi drany.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Iakobo 2:8

Ke so bi öbun e ne löng hoton hnanyibu ae beönua, helâ me hna sihnalimen, ka habe, U me be ka betenge ge at ame laba hakekenyi u helâ me u bi, mʼ öbun e ânyâ ling so:

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

I. Samuela 15:17

Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;