Efeso 6:4 - Iaai Bible 1901 (New Caledonia)

⁴ Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Efeso 6:4 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

Ta je Vejec 19:18

Nâ thö nokom, e me tiga hu geju bi; Ke u me ca he ka ip hnyi hnyekom he ka ohia e.

Ta je Vejec 22:15

Adre lan hwen monu hnyi hnyekon wanakat; Ke osöiny hnân nâ ame he ka ûsâkâûöâ e më.

Ta je Vejec 22:6

Nâ thö wanakat hnyi deny ae ûcû, Ke e ka hingat ut, me ame ca he bi ka sâû ûnyi hnyin.

Ta je Vejec 29:15

Haba osö ke hwa ûne, me wale li at ûömetö; Kʼ ame he ka ohmehma hinyen ge wanakat adre me hna.

Ta je Vejec 29:17

Nâ thö nokom, me u me he ka laba so; Eke, e ame he ka osenyinâ hnyekom.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Efeso 6:3

me u me hnahic, me laba beûhmâ eang hmeledrany.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 6:7

ke u me he ka labö nâ e ka lakom, me ûhnenamö gan u ka laba hnyin umâm uma, me he eû hnyi gethen, me u ka mokut, me u ka köûö hmetu.

Kolose 3:21

Lakamen lö, ca ohmönyinâ je lakubun, wâ adre nye hmak.

II. Timoteo 1:5

ke inya oge me ûnykûme minya labageju unyâm ae ba thoi hnyin; waleji a bân unyin kibâm somaca Lois, ke hinyâm a Eunike; ke oge me wâ ûnykûme a e minya bi unyâm.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Owisa 13:12

Ke haingö Manoa, ka habe, E na āt ju hwâm hofuc: ke ame he ka helâ ua wanakat? ke ieû hûdrân.