Efeso 6:20 - Iaai Bible 1901 (New Caledonia)

²⁰ inya metâ kʼ adre cö nya can e; me inye hwege thö he ka ha e, wale ae ûcû könya he ka ha.

Efeso 6:20 ပူးပေါင်းရင်းမြစ်များ

Ta je Vejec 13:17

Haba ûthumetu ae monu me ame ta ka hnyi hulo: Ke haba ûthumetu ae hnathu me hnyi hwegien unyin.

Isaia 33:7

Wâ bi, ame kuku eû tavat ae hwege gadra; kʼ ame tenge hlöuhlöu ta je ûthumetuiny ûsoköu.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 1:17

Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Jeremia 40:1

WALANG hofuc ame o kö Jeremia ûnyi ga Iehova, hwaban hna thang e hnyi Rama ga Nebuzaradana taben tavat tue, waleji hnyi hna hom e adre ca ge tö fao tha e me je bâ hia ûheny Jerusalema me Juda, tavat adre hom Babulona ai.

Ta je huliwa 21:33

Ke ame hakekeny dö taben ae nua, me kât e, me hûna he ka ca e ge li tö fao; me hnei, ka habe, e ia? ke ieû a ânyâ?

Ta je huliwa 26:29

Me haingö Paulo, ka habe, Inya oge me khöû ka Khong, me me ca hake u thibi, ke ödra hia minya adre me ling nya hnyi bong ang, ame ne ûnyi ge hofuc ae ûhnyûkong ame ne gan, a gʼ adre he bi ka helâ mönya, ke ca ha bi hna co nya eang.

Ta je huliwa 28:20

Can e oge me hawʼ öbun he ka iouny me ûhnenamö mönya: anyin a can gejon anyin at Isaraela adre me cö nya ge tö fao eang.

Ta je huliwa 28:31

kʼ ame khetâ dokhu dokhon Khong, me ûnö ta je ûnyi ga Iesu Keriso hnen tang hwege, ke ba at ame thawâ.

Ta je huliwa 5:29

Haba Peteru me je aposetolo ödrin e thu, ka habe, E ûcû kohmun he ka long hoton Khong hon at.

II. Korinito 3:12

Anyin a wale, öhmun e ha hwegiâ, anyin ae hu gahmun gejon a helâng,

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

Efeso 3:1

ANYIN a wale inya Paulo, a cö nya Keriso Iesu hobi köbun Aten ta je hnyei,—

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 1:7

ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so.

Kolose 4:3

ke hic minya hobi kohmun me me he Khong ka khong kohmun deny hwan hofuc, he ka ha ûnyi ae iyong anyin Keriso, wale adre cö nya can;

Kolose 4:4

mʼ oge me he ka omanenâ e, hnyi denyʼ ae ûcû.

I. Thesalonika 2:2

ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

II. Timoteo 1:16

E so ame he Than ka betenge ka lap anyi Onesiforo: anyin a e osehia okahwö nya, ke e ame ca hmehma gak me tö fao adre cö nya kâu;

II. Timoteo 2:9

can e oge me hom vec ke ne o but adre me cö nya, helâ me at ae kong; ke adre ca ca bi hofuc hwan Khong.

Filemona 1:10

inya oge me khöûö Onesimo köu a nokuk, waleji oge hnokoâ ke inya hnyi uma ce at,

Filemona 1:9

oge me he ka sumatö u hnyi ibetengiö, inya Paulo a hingat, adre cö nya walang ang can Keriso Iesu:

I. Ioane 3:16

Ke manen köta ibetengiö anyin a e ame hamen ham anyin möt hnân hobi köta: me ûcû minya köta he ka ham anyita möt hnân hobi kâu je liamekeiny.

Juda 1:3

Hnyat a oûnykûmik lö, oge me wek hmonyin he ka set köbun ge möt adre ham gânâ köta, kʼ ame ûjongi nya hnyekuk he ka set köbun me sihwegi öbun, mʼ öbun e he ka hwege ûsabû ûöhwege hobi kâu labageju, waleji adre tha ham ka tavat ae kap.