Efeso 6:18 - Iaai Bible 1901 (New Caledonia)

¹⁸ ke labö hic bala ju öbun geʼ hic me sumat hia hnyi Hanu hnyi ta je ûen hia, me hmâkâ kâe hnen ûjöng hia, me sumat hnân hobi kâu wakap hia,

Efeso 6:18 ပူးပေါင်းရင်းမြစ်များ

I. Je Than 8:52

me u me he ka wâ sumat anyin athnyabaem, me sumat anyin lakem a Isaraela, he ka ling ödrin hnyi ta je ûen hia thithö ödrin e he ka hawo u hnyin.

I. Je Than 8:54

Ka um do Solomona hijöta je hic eling me sumat kö Iehova, me e ame todrö ûheny hnyi taben hut anyi Iehova, ûheny hnyi hna cibouca me hna hai li hnyamen hnyi drany ai.

I. Je Than 8:59

E na hakekenyâ ju Iehova Khonguta hok ta je hofuc ang, wale oge me sumâtâ hnyi hnyimakö Iehova, hnyi lany me lit, me me he ka owisa ka athnyabainy, me lakeiny a Isaraela, ûnyi ae ûcû hnyi ke bong me ke bong:

I. Je Than 9:3

Ke Iehova ame ha kâu, ka habe, Oge hia but long hijâm hic me ânyâm sumat hnyi hnyimakök: oge hia but okabâ uma ang, wale u je ânyâ hnân ip iök hnyin nyiele balua; ke ame he ka e ling li emakök me hnyekuk hnyi je bong hia thibut.

Esetera 4:8

Ke e ame ham kâu tusi hnanyibu adre me oc, wale adre me omanenâ hnyi Susani, he ka ohiʼ ödrin, mʼ adre me omanenâ kö Esetera, me thumeto e; me hûna kâu he ka he ka than he ka khöû kâu me sumâtâ aten iny hnyei hnyi hnyimakan.

Jobu 27:10

Hawa, e ame he ka senyin ka Ataekhanahia, Me hongot ka Khong hnyi je ûen hia?

Salamo 4:1

KHONGON hwakecik ae wisa lö, ling nya ju, iny ka hawo u; U je hia but thong nya ûnyi hnyi anyik vec, Betenge ju könya, me long hijik hic.

Salamo 6:9

Iehova ame hia but long hnok hna sumâtâ; Ame he Iehova ka kap hijik hic.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Hosea 12:4

eke, e ame ûjöng ka angela, me hwege bi: e ame tenge me khöû kâu: e ame wâ e hnyi Beth-ela, ke e ame ûhnenamö möhmun eling;

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Mataio 26:41

Hmâkâ ju me hic, mʼ öbun e ca didro ka hnyi ûcûbic: anyin ame weny hnyok, ke sēnyin bi unyin.

Mareko 13:33

Wâ eâu öbun, hmâkâ thö me hic: anyin ae ca khanʼ öbun ûen.

Mareko 14:38

Hmâkâ thʼ öbun me hic, mʼ öbun e ca dit bi ka hnyi ûcûbic: e hnathu ame weny hanu, ke sënyin bi unyin.

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 22:46

haingen ame ha ködrin, ka habe, Ieû gabun öbun e mokut? todrʼ öbun me hic, wâ öbun nye didro ka hnyi ûcûbic.

Luka 3:26

mâtrâni Maatha, mâtrâni Matathia, mâtrâni Semei, mâtrâni Josefa, mâtrâni Juda,

Luka 3:37

mâtrâni Methusela, mâtrâni Enoka, mâtrâni Jareda, mâtrâni Mahaleleel, mâtrâni Kanana,

Ta je huliwa 1:14

Ödrin hia e, ödrin e labö hic hnyi hnyok a khaca, tha ödrin me watamomo, me Maria hinyö Iesu, me je liamekeiny minya mē.

Ta je huliwa 10:2

e at fâfâ hnyekon, kʼ ame outen Khong tha e me anyin lap hia, me ham ta je betenge ae se ka tavat, me hic bala ka Khong.

Ta je huliwa 12:5

Anyin a wale adre me tuö Peteru hnyin uma ceat: ke haba ekalesia adre me hic ûjöng ka Khong hobi kâu.

Ta je huliwa 6:4

Ke haba ohmun ang, mʼ ohmun e he balua ka hwege hnyi hic, me huliwa hnyi hwan hofuc.

Roma 12:12

senyin hnyi gejon; hokhnyokâ ju vec; labö hic bala;

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Efeso 1:16

me oge me ca menâ ole gabun, oge me bai öbun hnyi hijik je hic:

Efeso 2:22

ke adre tha up öbun minya më hnân umen Khong ûnyi ge Hanu.

Efeso 3:18

me me khanʼ öbun he ka tha wâ wia me wakap hia bongon ûlauen, ke ibeûen, ke ûgöranyin, ke ûdiliny,

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Efeso 6:19

me hobi könya minya, mʼ adre me he ka ham könya he ka fuc, mʼ inye hwege thö he ka omanenâ ûnyi ae iyong hnyi ûthumetu ae so,

Filipi 1:4

kʼ oge me labö sumat me senyin hnyi hijik je hic hia hobi köbun hia,

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

Kolose 1:3

Öhmu me ole ka Khong a Kamen Tuhöta Iesu Keriso, me labö hic bala hobi köbun,

Kolose 1:4

anyin a öhmu me long anyibun labageju ka Keriso Iesu, me anyibun ibetengiö ka wakap hia,

Kolose 4:2

E so öbun e hic ûjöng, me hmâkâ e, me ole;

I. Thesalonika 5:17

hic dö me ca menâ bi;

I. Timoteo 2:1

ANYIN a wale, inya oge me nʼ öbun a bân, ka habe, adre me he ka sumâtâ, me hijö, me khöû, me ole, hobi kâu tavat hia thithö;

II. Timoteo 1:3

Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

Filemona 1:5

anyin oge me löng ut ânyâm ibetengiö, me ânyâm labageju ka Than Iesu, me ka wakap hia thithö;

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

Juda 1:20

Ke haba öbun, laoûnykûmik, up öbun dö goranyai hnyi anyibun labageju ae ti kap, me hic hnyi Hanu Kap,

I. Samuela 1:12

Ke e ame tiga hic bala bi hnyi hnyimakö Iehova, me haba Eli ame wâhmakhmeto hnyimen.