Efeso 6:13 - Iaai Bible 1901 (New Caledonia)

¹³ Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

Efeso 6:13 ပူးပေါင်းရင်းမြစ်များ

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

Amosa 6:3

Öbun tavat öbun e ûsâkâûö me bong ae kong, me ohakekenyâ taben lap anyin ûokonguny;

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Roma 13:12

E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

II. Korinito 10:4

(Anyin a haba omjehen anyihmun vat me ca hwen unyin bi, ke hwege maniny hnyi hnyimakan Khong hnân hagutâ je hnabâ ae hwege);

Efeso 5:16

ke oûnyihnathoâ ta je ûen, anyin ae kong ta je bong.

Efeso 5:6

Ca he ke at ka omonu öbun ge ta je hofuc adre hlo: anyin a ûnyi hnyi ta je ûnyi helâe ame o but tang hmonyin anyin Khong ka tavat adre me ca ûling.

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

Iakobo 4:7

Anyin a wale löng ju öbun hoton Khong; ke hagutâ but diabolo, me e ame he ka kec ûnyi gabun.

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

Hna Omanenâ 3:10

U je tuö hofucin hnok hna hok hnyok, anyin a wale, oge me he bi nya ka tuö u hnyi ûen ûcûbic, wale ame he ka o ka hnyi hmeledrany hia thithö, he ka cubec tavat adre me laba eang hmeledrany.

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.