Ke haba Öbun ca löng bi ka anyibun je perofeta, me anyibun tavat bi khong, me anyibun tavat bwi, me anyibun tavat bihihwakecin, me anyibun tavat tren khong, tavat adre me fuc köbun me ha, ka habe, Ca he öbun ka bi athnyabainy than Babulona:
Ûkhûnöng dö ka je bâ hia me ha, ka habe, Walang hna ha hnö Iehova ge Semaia at Nehelami, ka habe, Anyin a Semaia ame perofeta köbun, ke oge ca kunâ, ke e ame olabageju öbun ka hnyi thoi;
Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.
Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.
anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.
Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;
Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso:
ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,
E so adre me ca hom monu öbun hnen ta je hna ûne ae se hia me ve bongon: anyin ae so adre me he ka otethmâ hnyok hnyi ibe-tengiö baû; ca hnen ta je jeû waleji ae ba troban ka tavat adre me vheno ta je ûnyi e.
HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.