Efeso 5:3 - Iaai Bible 1901 (New Caledonia)

³ Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap;

Efeso 5:3 ပူးပေါင်းရင်းမြစ်များ

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 119:36

Ohmehmela thö hnyekuk ka hnyi hnâm ta je hna ohnathoâ, Ke ca he ka behnyokâ omjeû bi.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Ta je Vejec 28:16

Haba than ame ca wâ ûnykûme, me e at ame ovecâ: Ke haba at ame hûkotiâ behnyokâ omjeû, me ame he ka osehia bongon ta je bong.

Jeremia 22:17

Ke haba li emâkâm me hnyekom hobi kâu hnâm hna behnyekon, me he ka hingâlâ dra ae ba hnyikongon, me hobi kâu hna okongâo, me ûokonguny, me me ânyâ thö.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Levitiko 15:18

Ke haba momo ame tha mokut mē hnyi sin, me hamödru he ka soû hia hnyi köiö, me bo kong ke ne o but sahac.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Numera 25:1

KE haba at Isaraela adre me labā Sitima, ke ame hwân tavat he ka bi unyi monu me omomoiny Moaba:

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Ta je huliwa 15:20

ke so otin e he ka sihnalimen ködra he ka ûsâkâûö me ta je ûnyi ae ikiki anyin je hnatheat, ke bi ûnyi monu, ke je meno adre me noc nyin, ke dra.

Ta je huliwa 20:33

E ba sileva, me gol, me ûkkaû anyin ke at oge behnyekon.

Roma 1:29

ke ödra unöngötö ge je hwakecin ae ca wisa bi, me hulo, me behnyekon, me beokongo; kʼ ödra unöngötö ge ibunyinköu, me ûhlingö, me iwatretra, me iyawo, me hnyok ae ti kong;

Roma 16:2

möbun e he ka kap momo eling hnyi Than, helâ me hwakecin wakap, me öbun e he ka hadruâ e hnyi ta je ûnyi e ame he ka weny ûhadruo gabun hnyin: anyin a e at a hia but hadruâ tavat ae se hia, ke inya ang khaca.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

I. Korinito 10:8

Ke ca he minya öta ka bi ûnyi monu, helâ me keihen gadra ame ânyâ, me ame mokcu twente theri thauzan hnyi bong a khaca.

I. Korinito 5:1

AME lung a öbun e bi ûnyi monu, ke ba bi ûnyi monu ae kong helâe unyin Aten ta je hnyei, wale a gʼ ame he at ka hom âiân kamen.

I. Korinito 6:13

Haba ta je jeû, me hobi kâu hnyok, ke hnyok hobi kâu ta je jeû: ke ame he Khong ka tha ohia. Haba unyin, me ca hnân hobi kâu bi ûnyi monu, ke so bi hobi kâu Than, ke haba Than, me hobi kâu unyin:

I. Korinito 6:18

Kec dö ûnyi hnyi bi ûnyi monu. Ame ca he ka oaatâ ka hnyi unyin ta je monu ame ânyâ at, ke haba at ame bi ûnyi monu, me ame ka hamen okongoâ unyin bi.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

Efeso 5:12

anyin a haba ta je ûnyi adre me ânyâ duöngâ, me hnân ohmehma he ka ûsabö.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

Filipi 1:27

E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so;

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

I. Thesalonika 4:3

Ke walang weny Khong, a öbun e he ka kap, ka habe, e so öbun e ka ûsâkâûö but me bi ûnyi monu;

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

I. Timoteo 2:10

ke so bi hnyi ta je huliwa ae so (wale ae ûcû ka omomo adre me haimemenâ a ödra tavat outen Khong.)

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.

II. Timoteo 3:2

Anyin ame he tavat ka hamödra hnyok kodra bi, me behnyekudra mone, me hobelöu, me bi gan, me fuc monu, me ca löng kamen me hinyen, me ca ole bi, me ca okabâ bi,

Tito 1:11

e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Josua 7:21

haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

II. Peteru 2:10

ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi:

II. Peteru 2:14

a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Hna Omanenâ 9:21

ke adre me ca ietra ge hnödra hna ûhlingö, me bi khong, me bi ûnyi monu, me venöu.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.