Efeso 5:18 - Iaai Bible 1901 (New Caledonia)

¹⁸ Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

Efeso 5:18 ပူးပေါင်းရင်းမြစ်များ

Genese 9:21

ke e ame ijem waina, me monu but; ke e ame mokut thu eiö hnyin umen uma mano.

Salamo 69:12

Adre me ûhnenamö gak tavat adre me laba hnyi homagöule; Kʼ adre sit hwanök hnen tavat ic grâg.

Ta je Vejec 20:1

HABA waina, me wale at hlumö at, ke haba grâg me wale at ame mede monu. Ke ca metâ bi at ame monu ge li ûnyi e.

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Khumöng Hwanyi Solomona. 7:9

Ke helâ me waina ae so hnyimâm, Wale adre me omi uto hobi kâu oûnykûmik, Kʼ ame ofuco li esongodiny at ame mokut.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 5:22

Ekölö ge tavat a ödra hwege ka ic waina, me tavat hwege he ka ûhaniken tap grâg:

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Levitiko 10:9

U me ca he ka ic waina me grâg, a u me je lakom unyâm, öbun ka didro ka hnyi uma ûkhacaköu, wâ öbun nye mokcu: wale hnanyibu nyiele balua, hnyi anyibun ta je dö:

Mataio 23:25

Ekölö gabun hnyat sihnalimen me ta je Faresaio, hnyat thoi hnyok! anyin öbun e hneû hoton utkaia me mini, ke haba bi hnyin, me unöngöt ge hna hûgûnâ hwali me hwakecin ae kong.

Mataio 24:49

me hwân he ka kot je athnyaba a lahanen, me he ka han me ic unyin tavat adre ic me monu;

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 12:45

Ke a ne ha athnyaba eling eû hnyi hnyekon, ka habe, E tiga bec tuhok; kʼ ame ne hwân he ka kot je athnyaba obaga me omomo, me he ka han me ic, me ic monu;

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Ioane 2:10

me ha kâu, ka habe, Hwakecin tavat he ka khenâ bânâ waina ae so; ke e ka hia but ijem gânâ, adre hom waina ae kong: ke haba u, u je tuö waina ae so ke ne o but ang.

Ta je huliwa 11:24

anyin a e at ae so, ke unöngöt ge Hanu Kap me labageju: ke se hia tavat adre me bi hanen ka Than.

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

I. Korinito 11:21

anyin a ödra ka han, öbun e ve hobun ka hom an jeû bi hnyi sahac; ke mekihnânem ke at, ke a ic monu ke at.

I. Korinito 5:11

ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe.

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

Deuteronomi 21:20

me ödru me he ka ha ka wahingatiny anyin taun, ka habe, Walang hnökuhmu at ame ûjöng me ûkhin hofuc, kʼ ame ca löng hohmu; e at ae hwenhmiâ me monu ge grâg.

I. Thesalonika 5:7

Anyin a haba tavat adre me mokut, me adre me mokut hnyi lit; ke haba tavat adre me ic monu, me adre me ic monu hnyi lit.

Tito 1:6

e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.