Efeso 5:17 - Iaai Bible 1901 (New Caledonia)

¹⁷ Anyin a wale, ca hwen monu bi öbun, ke wâ ûnykûme weny Than.

Efeso 5:17 ပူးပေါင်းရင်းမြစ်များ

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 119:27

Okhanö nya thö ge deny ânyâm ta je hnanyibu: Mʼ oge me he ka ûnykûme ânyâm ta je huliwa hnân lâiâ.

Ta je Vejec 14:8

Haba metâ anyin at e so, me wale he ka wâ ûnykûme deny gethen: Ke haba hwen monu anyin tavat ae monu, me wale tang iyawo.

Ta je Vejec 2:5

Awe, u me he ka wâhmakhmetoâ hwakecin ot kö Iehova, Me khanö u bi Khong.

Ta je Vejec 23:23

Ûco thö hnathu, ke ca ûco degecâ hmetu bi; Eke, metâ, me ûne, me wâ ûnykûme.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Efeso 5:15

Anyin a wale, wâ wia ûhebun, ca he bi ka helâ me tavat ae monu, ke so bi helâ me tavat ae metâ;

Deuteronomi 4:6

He thʼ öbun ka tuö me ânyâ; ke waleling anyibun metâ me anyibun wâhmakhmeto hnyi hnyimakan ta je hnyei, a tavat adre me he ka wâ je hnanyibu eang, me ha, ka habe, E hnathu hnyei ae metâ, me hnyei wâhmakhmeto hnyei eang ae gan.

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,

I. Thesalonika 5:18

oleâ ju ta je ûnyi hia thithö, anyin a wale weny Khong köbun ge Keriso Iesu.

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.