Efeso 5:16 - Iaai Bible 1901 (New Caledonia)

¹⁶ ke oûnyihnathoâ ta je ûen, anyin ae kong ta je bong.

Efeso 5:16 ပူးပေါင်းရင်းမြစ်များ

Genese 29:7

Me haingen, ka habe, Wâ bi, e tiga jebigö, ke tiga ca ûen he ka ûkhacaköuâ ta je meno: he thʼ öbun ka söû belen ta je mamoe, me he thö ka hān.

Salamo 37:19

Adre me ca he bi ka hmehma hnyi ûen ae kong: Ke adre me he ka sekudra hnyi je bonginy hmiâ.

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Daniela 2:8

Ke haba than ame thu, me ha, ka habe, Inya oge me wâ but a öbun e he ka obecâ ûen, anyin ae khanʼ öbun dut a gʼ ame hia but gak ûnyi.

Amosa 5:13

Anyin a wale, ame he at wâ wia ka laba hnyibu hnyi ûen eling; anyin a ûen e ae kong bi.

Mataio 25:17

Ke helâe me at a kap lo, e ame ûcû hanen ke lo hmetu.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Roma 13:11

Ke walang ang, e khanʼ öta ûen, a ûen dut ang öbun e he ka hmak ûhebun hnyi hna mokut: anyin ae hakekeny jut walang ang möt, ke sâkâû ehac waleji kʼ ate me labageju.

I. Korinito 7:26

Oge me ûnykûme a e so ka at he ka hnathu hnyi ûen ang a ûen vec.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Efeso 6:13

Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

Efeso 6:15

ke adre bi taben tangen je hnyeûcabun ge hna penapena ûthumetu ae so hnyi ûsoköu;

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,