Efeso 4:6 - Iaai Bible 1901 (New Caledonia)

⁶ khaca thibi Khong, ke e Kamen hia, ke hon hia, ke unyin hia, ke eû hnyin hia.

Efeso 4:6 ပူးပေါင်းရင်းမြစ်များ

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Malaki 2:10

Hawa, ca khaca kamöta hia? a ca up ota hnen Khong a khaca? anyin a ieû ate me ûiyawököu, me okongoâ ûhihinyköu anyin lakamöta?

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Roma 11:36

Anyin a haba ta je ûnyi hia thithö, me ûnyi gan, me hnen e, me hnân hobi kâu, E so he ka ogânâ e nyiele balua. Amen.

I. Korinito 12:6

Ke ve bongon ta je huliwa, ke khaca thibi Khong, at ame huliwan ta je ûnyi hia unyita hia.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Efeso 1:21

e beönua bala hon je than hia thithö, me musi, me man, me dokhu, me je ien hia adre me ha, ca hake thibi eang hmeledrany, ke minya bi hnyi ûen ame he ka o:

Efeso 2:22

ke adre tha up öbun minya më hnân umen Khong ûnyi ge Hanu.

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Efeso 6:23

E so e unyin je liamekeiny ûsoköu me ibetengiö, me labageju, ûnyi ge Khong a Kamen me Than Iesu Keriso.

Deuteronomi 6:4

Isaraela lö, löng ju: haba Iehova Khonguta, me Iehova a khaca;

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.