Efeso 4:5 - Iaai Bible 1901 (New Caledonia)

⁵ khaca thibi Than, ke khaca thibi labageju, ke khaca thibi bapataiso,

Efeso 4:5 ပူးပေါင်းရင်းမြစ်များ

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

I. Korinito 1:13

Hawa, adre susubâ Keriso? adre osatauroi Paulo hobi köbun? ke adre bapataisoi öbun ka hnyi iö Paulo?

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.

I. Korinito 12:5

Ke ve bongon ta je hanymen, ke khaca thibi Than.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

II. Korinito 11:4

Anyin a ne o ke at me khetâ ke Iesu bi, waleji öhmun e ca khetâ, ke öbun e ne kap ke hanu, waleji öbun e ca kap, me ke ûthumetu ae so, waleji öbun e ca kap, awe, e ûcû hnobun hna hokhnyok kâu.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Efeso 4:13

ke ne o but ate me o bia ka hnyi tha hnyok hnyi labageju, me wâhmakhmetoâ Nokon Khong, ka hnyi at hnathu but, ka hnyi tulutiny ûganiny unöngötiny Keriso:

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

Tito 1:1

INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

Tito 1:4

oge me sihnalimen kö Tito, a hing nokuk hnyi labageju a khaca bongon: E so e unyâm ibetengiö baû me hnahic ûnyi ge Khong a Kamen, me Keriso Iesu At omeli öta.

Heberu 13:7

Ûnykûme ju tavat adre me tuʼ öbun, waleji tavat adre me ha köbun hofuc hwan Khong; ûnykûme ju obiny hwakecidra, me ûcûcûbongo ju anyidra labageju.

Heberu 6:6

ke adre me kolu hmetu, me pason hmetu he ka ohâti ödra ka hnyi ietra; anyin adre me osatauroâ hmetu bi kodra Nokon Khong, me ohmehma manenâ e.

Iakobo 2:18

Eke, ame he ke at ka ha, ka habe, E hu but gam labageju, ke hu but inya gak ta je huliwa: omanenâ thö könya ânyâm labageju ae ba huliwa hnyin, ke oge me he inya ka omanenâ hnen anyik je huliwa.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Juda 1:20

Ke haba öbun, laoûnykûmik, up öbun dö goranyai hnyi anyibun labageju ae ti kap, me hic hnyi Hanu Kap,

Juda 1:3

Hnyat a oûnykûmik lö, oge me wek hmonyin he ka set köbun ge möt adre ham gânâ köta, kʼ ame ûjongi nya hnyekuk he ka set köbun me sihwegi öbun, mʼ öbun e he ka hwege ûsabû ûöhwege hobi kâu labageju, waleji adre tha ham ka tavat ae kap.