Efeso 4:32 - Iaai Bible 1901 (New Caledonia)

³² ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.

Efeso 4:32 ပူးပေါင်းရင်းမြစ်များ

II. Samuela 7:21

Ûnyi hnyi hwâm hofuc, ke helâ mo hnyekom, u je hia but ânyâ ta je ûnyi hia ae gan eling, he ka owâhmakhmeto athnyabaem.

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Salamo 145:9

E so Iehova ka ta je ûnyi hia; Ke e hon anyin ta je huliwa hia anyin ibetengiö

Ta je Vejec 12:10

Haba at ae wisa, me ame betenge ge haleny meno: Ke haba ibetengiö anyin at ae kong, me wale beovecâ.

Ta je Vejec 19:11

Haba hna wâ wia hnen at, me ame obecâ anyin hmonyin; Ke hnân ohmanenangâ e, he ka onuâ hna hanyâûâ,

Ta je Vejec 19:22

Haba weny at, me betenge: Ke so at ae theduoc hon at ae thoi.

Isaia 57:1

AME hia at ae wisa, ke ba at a ûnykûme e hnyi hnyekon; ke adre me hom tavat ae wisa, ke ba at ame ûnykûme a gʼ adre hom at ae wisa ge monu ame he ka o.

Jeremia 38:12

Haba Ebede-melek at Aithiop ame ha kö Jeremia, ka habe, më ip ju ec mano ae khekhe me bobot ut hmelen li hnyabenyâm hnyi tö. Haba Jeremia ame ânyâ helâe.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Mareko 11:25

Ke öbun ka he ka tot me hic, öbun e ne hia but ip hnân ge ke at, hna degecâ but, me me he Kamöbun ethö hnyi drany ka hna degecâ hnöbun hna hanyâûâ.

Luka 1:78

Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Luka 11:4

Thang ut ta je monu gahmun; anyin a ohmun e thang minya tavat adre me okongu ohmun. Ca hum ohmun ka hnyi ûcûbic.

Luka 17:4

Ke ame ne he ka oseven monu köu hnyi bong a khaca, kʼ ame oseven hwio köu me ha, ka habe, Oge me ietra; me u me he ka hna degecâ anyin monu.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Luka 6:37

Ca ûnykûme hwalö bi, mʼ adre me ca he ka ûnykûme hwali öbun: ca haimono, mʼ adre me ca he ka haimonu öbun: thang bâûâ mʼ adre me he ka thang bâûʼ öbun bi:

Ta je huliwa 28:2

Ke gan hmâ hnen ta je wanaithila hna betenge gahmun: anyin adre me hû hlögu-hmun, me köp öhmun hia, anyin ae hu we me megic.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

I. Korinito 13:4

Haba ibetengiö, me at ae lingvec, me menyik; e ca at ame ihunyinköu bi ibetengiö; e ca at ame hobelöu bi ibetengiö, kʼ ame ca bi gan bi,

II. Korinito 2:10

Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

II. Korinito 2:7

waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ.

II. Korinito 6:6

hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

Efeso 5:1

ANYIN a wale hnu ju öbun hoton Khong, helâ me je wanakat a oûnykûminy;

Iakobo 5:11

Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

II. Peteru 1:7

me bi hanen hnyokâ hnyat me lakeiny ka hnyi hwakecin ae ûcû me Khong; me bi hanen ibetengiö ka hnyi hnyokâ hnyat me lakeiny.

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Ioane 2:12

Inya oge me set köbun je wanakat, anyin adre hna degecâ anyibun ta je hulo ûnyi hnyi ien.

Rutha 2:20

Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.