Efeso 4:31 - Iaai Bible 1901 (New Caledonia)

³¹ Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

Efeso 4:31 ပူးပေါင်းရင်းမြစ်များ

Genese 27:41

Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 37:21

Ke a löng ut Reubena, me e ame omelö e ûnyi hnyi hnyamödrin; ke haingen, ka habe, E so ötin e ca ohia anyin möt.

Genese 37:4

Ke a wâ but je latuhan a gʼ ame betenge gan hnen kamö-drin hon je latuhan hia; mʼ ödrin e hukötiâ e, me ca ûhnenamö so më.

Genese 4:8

Ke Kaina ame thumetu Abela a keiny. Ke tiga ödru hnyi ta hnyei haba Kaina ame tot kö Abela a keiny, me hlingâ.

II. Samuela 13:22

Ke Abasoloma ame ca fuc kö Aminona, ame ne ûnyi ae kong ame ne ûnyi ae so: anyin a Abasoloma ame ikikiö Aminona, can e ame okongu Tamara a haniny.

II. Samuela 19:27

Ke e ame bi fuco athnyabaem ka than a tuhok; ke helâ me angela anyin Khong than a tuhok: hamâm he ka ânyâ ûnyi ae so köu.

II. Samuela 19:43

Me haba at Isaraela adre me thu ka at Juda, ka habe, Ten je ke keihen gahmun unyin than, ke ohmun e hu beönua hubun unyi Davita: ke ieû gabun öbun e hûkötiöhmun, me ca me ûhnenamö möhmun he ka ohmeto tuhöhmun? Ke e hwege hofuc hwan at Juda hon hofuc hwan at Isaraela.

Salamo 101:5

Haba at ame hâiâ duöngâ liamewaeny mē, me oge me he bi nya ka ohia: Oge me ca he ka hokhnyokâ at ae hwege hnyimakan, me at ame hnyok bi gan.

Salamo 140:11

Ame ca be at ame ha monu ka tethmâ hnyi hnyei: Kʼ ame he hulo ka hnu at ûokonguny he ka hagutâ e.

Salamo 15:3

A at ame ca bi fuc ge bohmen, Kʼ ame ca okongoâ liamewaeny mē, Me ca kap bi hna haikongoâ at ame laba hakekenyâ e.

Salamo 37:8

Soju hmonyin, ke oumo thö wathethöt: U ma ca he ka hmak, ke wale gethen deny hulo.

Salamo 50:20

U je laba ju me haikongoâ liamekiny möu; U je sit hofuc thoi ka nokon hinyâm.

Salamo 64:3

Hnyat adre me khet je bohmödra helâke hele vat, Me lau cafana me hlec anyidra je fana, wale je hofuc ae hiny:

Ta je Vejec 10:12

Haba hmonyin, me wale at ame okûâ iwatretra: Ke ibetengiö ame tube ta je hulo hia.

Ta je Vejec 10:18

Haba at ame oiyongâ ûöhûköti, me ame thoi hnyimen; Ke haba at bifuco, me wale at ae monu.

Ta je Vejec 14:17

Haba at ame ie hmonyin, me ame he ka ânyâ monu. Ke adre me hûkotiâ at bihihwakecin ae kong.

Ta je Vejec 18:8

Haba ta je hofuc hwan at ûhaiö, me helâ me je ong jeû ae hnebwia, Ke adre me dit ka hnyi hnyin hnyekon.

Ta je Vejec 19:12

Haba wathethot anyin than, me helâ me liona ame kuku; Ke haba anyin betenge, me helâ me dân hau hon hnaonying.

Ta je Vejec 25:23

Haba ang ûnyi hnyi hwadro, me ame hom we: Ke ame okûâ hnyimak ae hmonyin hnen bohmen ame ûhaiö.

Ta je Vejec 26:20

E ka ba uto, me mok ut meic: Helâe, e ka ba at ame ûhaiö, me ba but û.

Ta je Vejec 29:22

Ame okûâ iwatretra at ame hmonyin, Kʼ ame osehia hanyâûâ ge at ae wathethot.

Ta je Vejec 29:9

E ka he at ae metâ ka ivino me at ae monu, Ame ne hmonyin, ame ne hluma, me ba ta hau.

Ta je Vejec 6:19

Me at bi fuco wale at ame ha je thoi, Me at ame okûâ iwatretra ka hnyat me lakeiny.

At Khet 7:9

Ca logot hnyekom he ka hmonyin, anyin a haba hnyekon at ae monu, me wale hnyaban hmonyin.

Jeremia 6:28

Ödra tavat ûjöng hia, adre me tha ngenu me tavat ûhaiö: ödra bras me fao: ödra tavat iyawo hia thithö.

Jeremia 9:4

Ve wâ ju öbun je lahanöbun, ke ca labageju öbun ka je liamekeiny: anyin ame he je liamekeiny hia thithö ka iobö.

Ta je huliwa 21:30

Ke ame bwebwet taun hia, ke ame tha wadring do tavat me kot Paulo, me lelo e ûheny hnyin uma kap: me adre me ie hlöng ut je hwanuma.

Roma 3:14

E unöngötö je hnyimödra ge ûhangö me hofuc ae hiny:

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

I. Korinito 5:8

anyin a wale, e so ate me he ka tuö bijeû, ca hnen leven adrem, ke ca hnen leveniny hnyok ae kong me hwakecin ae kong, ke so bi hnen areto adre ca levenâ bi wale hnyok ae wisa me hnathu.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:20

me hmi ka je hnatheat, me bi khong, me bi iwahnaihmiony, me iwatretra, me ihunyinköu, me wathethot, me imouköu, me khekhe lo, me vese,

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

Kolose 3:19

Obaga lö, ve betenge ju ge laöiöbun, ke ca oveci ödra.

Kolose 3:8

Ke walang ang degec ut gabun ta je ûnyi eang, wale hmonyin, me wathethot, me hnyok ae kong, me û, me hofuc ûjao ûnyi hnyi je hnyimöbun;

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

I. Timoteo 5:13

Ke haba khaca adre me nâ he ka höcö huliwa, me he monu ka hnyi ta je uma, he ca hake höcö thibi huliwa, ke adre me ûsabû baû minya, me hngele ka wâ huliwa anyin keihen, me ha ta je hofuc ae ca ûcû ködra.

II. Timoteo 2:23

Ke hota ju ta je ivinö ae monu me ca metâ, anyin ae khanʼ öbun a wale at ame okûâ iwatretra.

II. Timoteo 3:3

adre me ca betenge ge lahanödra, adre me höcö ûsoköu, tavat ûhaiö, me ca khanʼ ödra kât weny unyidra, me hwege hnyimakodra, me ca hnyok ûnyi ae so,

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

Iakobo 1:19

Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin:

Iakobo 3:14

Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

Iakobo 4:11

Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 3:15

Haba at ame hûkotiâ liamekeiny më, me e thibi at ûhlingö; ke e khanʼ öbun dut a haba at ûhlingö, me ba bi möt ame ca ba balua eû hnyi hnyekon.

Hna Omanenâ 12:10

Ke oge me löng hofuc ae gan hmâ hnyi drany ame ha, ka habe, A o but walang ang möt, me man, me dokhu dokhon Khonguta, me musi minya anyin Keriso a anyin: anyin adre hia but obâ at ame haikongoâ je liamekeiny mʼ öta, wale at ame haikongu ödra hnyi hnyimakan Khonguta hnyi lany me lit.