Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 4:29 - Iaai Bible 1901 (New Caledonia)

29 Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

အခန်းကိုကြည့်ပါ။ ကော်ပီ




Efeso 4:29
41 ပူးပေါင်းရင်းမြစ်များ  

E nua hmonyin soâm hon lakon tavat; Adre hia but hingâlâ ibetengiö ka hnyi hnyimâm: Anyin a wale a hia but Khong ohnahici u nyiele balua.


Anyin ae ba ke hnathu hnyi je hnyimödra; E kong hmonyin hnyekudra: Haba je jeköwidra, me helâ me erkemok ae memang; Ke adre me ûtakû ge bohmödra.


Haba bohmâm ame penapena hwakecin ae ti kong, Helâ me heleûgi ae so hwan, kʼ ame huliwa iyawâ.


Ame he bohmök ka ha hnyi je bong ge hwakecâm ae wisa: Anyin a ödra hmehma me monumonu tavat adre me elâm he ka okongu nya.


Ame hnok dö at ae kong ge hna hanyâûâ ge li esongodiny: Ke ame he at ae wisa ka khulu but ûnyi hnyi vec.


Ame senyin at ge hna thu hnen hnyi men: Shaiba ge soiny hofuc adre me ha hnyi ûen ae ûcû!


Haba li esongodiny at ae metâ, me ame khûkhûâ wâhmakhmeto: Kʼ ame ca hnyi helâe hnyekon at ae monu.


Haba tavat ae tren hnyok ae metâ, me adre me he ka ha me tavat wâ wia. Ke haba hnebwiainy li esongot, me ame bi hanen metâ.


Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.


Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.


Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.


Me: haba ödra hia adre me haisoâ e, kʼ adre me lâiâ ta je ifucin ae so ame khulu but ûnyi hnyi hnyimen: haingödra, ka habe, Hawa, ca nöku Josefa at ang?


Ke a long ut li laten hnen hna ha, me ödru me he hotu Iesu.


Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ.


E so ate me he hia ka osenyinâ at ae hakekeny köta hnyi ûnyi ae so, me hnân okaukahwa.


ke so bi, e wek oge me he ka ha ka ekalesia ta je hofuc a thabûng hnen ûnykûmenök mʼ oge me he ka nâ keihen, hon ta je hofuc a ten thauzan hnyi hwen ke hnyei.


hnân he ka owisa wakap, me he ka hom hadruâ huliwa, me he ka op tavat goranyai unyin Keriso:


ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.


E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.


Anyin a wale ûsihwegiöbunköu thö, me ûotilöbunköu, helâ minya me hnöbun hna ânyâ.


e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.


HELÂE minya öbun omomo löng ju hoton laöiöbun; mʼ adre me he ka hmehmelâ ge hwakecin laöiödra ae so, ke ca hnen bi hofuc, a ne hu tavat gadra adre me ca löng hoton hofuc;


Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ