Efeso 4:25 - Iaai Bible 1901 (New Caledonia)

²⁵ Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 4:25 ပူးပေါင်းရင်းမြစ်များ

I. Je Than 13:18

Ke haingen kâu, ka habe, Inya ang ke perofeta helâ möu; ke haba angela ame ha könya hnyi hofuc ho Iehova, ka habe, Ohmeto ju e ka hnyi umâm uma, me me han areto me ijem köiö. Ke e ame thoi kâu.

Salamo 119:29

Oûsâkâûöâ but mönya deny thoi: Me ham baûâ könya ânyâm hnanyibu.

Salamo 15:2

E so thibi at ame he wisa, me ânyâ wisa, Kʼ ame ha hnathu ûnyi eû hnyi hnyekon.

Salamo 52:3

U je hnyokâ monu hon so; Ke thoi, hon he ka ha hofuc ae wisa.! [Sela.

Esodo 23:7

Ûsâkâûö u but me hofuc ae thoi; ke ca he ka kot at ae ba kongou, ke wisa hwakecin: anyin oge me ca he ka haiwisa at ae kong.

Ta je Vejec 12:17

Haba at ame ha hnathu, me ame omanenâ wisa, Ke haba at ame ohnathoâ thoi, me ame omanenâ iyawo.

Ta je Vejec 12:19

Haba esongot ae hnathu, me ame he ka tethmâ nyiele balua: Ke helâ me hna thuthubademak bohmen ae thoi.

Ta je Vejec 12:22

Hmiö Iehova ta je esongot ae thoi: Ke e ame senyin ge tavat adre me mâdrâ hnathu.

Ta je Vejec 21:6

Adre me ne bi hanen omjeû ge bohmen ae thoi, Me wale hai ame tûâ, ke hnewe adre me mekiny.

Ta je Vejec 24:28

U ma ca he ka hnyi ha a ga monu ke at, ke ba can; Ke u me ca he ka iyawo ge li esongodâm.

Ta je Vejec 6:17

Bi gan, me bohmen at ame thoi, Me li hnyam ame hingâlâ dra ae ba hnyikongon;

Ta je Vejec 8:7

Anyin ame he hnyimök ka ha hnathu; Ke ikiki hulo ka li esongodik.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Levitiko 19:11

Ca he öbun ka venöu; me ca bibiman bi, ke ca thoi ke at ka ke at.

Zakaria 8:16

Walang ûnyi öbun e he ka ânyâ. Ûhaköuâ thö hnathu; owisa hnatho thö me hnahic hnyi je homa-göulebun:

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Roma 12:5

helâe minya öta, at se hia, khaca thibi unyin unyi Keriso, ke je ong outhunyin öta ke at ka ke at.

I. Korinito 10:17

anyin a öta se hia, ke khaca thibi areto me khaca unyin: anyin a öta hia ate me ve hu ûnyi hnyi areto a khaca.

II. Korinito 7:14

Anyin a ne hu hnok hna ohobeluâ kâu ûnyi gabun, iny ca hmehmâ bi; ke öhmun e ha ta je ûnyi hia köbun hnyi hnathu, helâe minya adre wâ ae hnathu hnöhmun hna ohobeluâ, waleji oge ânyâ hnyi hnyimakö Tito.

Efeso 4:15

ke so bi köta he ka ha hofuc ae hnathu hnyi ibetengiö, me me he ka kû thö kâu hnyi ta je ûnyi hia, wale thibi ban, a Keriso;

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Efeso 4:31

Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

Efeso 5:30

anyin a öta ang je ong outhunyin Keriso.

Kolose 3:8

Ke walang ang degec ut gabun ta je ûnyi eang, wale hmonyin, me wathethot, me hnyok ae kong, me û, me hofuc ûjao ûnyi hnyi je hnyimöbun;

Kolose 3:9

ca uthoiköu bi, anyin a öbun e hia but uny degecâ at adrem me ta je hwakecin,

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

I. Timoteo 4:2

hnen iyawo anyin tavat thoi, tavat ame le oûnykûmidra ge fao ae ōû;

Tito 1:12

Haba ke at gadra, a anyidra ke perofeta, ame ha ka habe, Haba at Kerete, me ödra tavat thoi bala, me ta je meno ûkûc ae kong, me tavat hwenhmiâ ae höcö huliwa.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 12:1

ANYIN a wale ame tet igigili öta tavat ohnatho a ödra se hia, me so ate me he minya ka hna degecâ ta je hmak hia, me hulo, wale at ame ohveli öta, ke ate me he ka wadring me hokhnyokâ ûölogot a e hnyi hnyimaköta,

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Owisa 16:11

Ke e ame ha kâu, ka habe, Ödrin e ne cö nya ge je tö ae teb ûnyi, ke ödra tiga ca huliwan, me oge me he ka sënyin me helâ me ke at.