Efeso 4:24 - Iaai Bible 1901 (New Caledonia)

²⁴ me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Efeso 4:24 ပူးပေါင်းရင်းမြစ်များ

Genese 5:1

WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong;

Jobu 29:14

Oge me khavâ wisa hnân anyik ûkhaû: Ke haba hnok hna owisa, e ûcû me ûkhaû me hnabinybak.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 59:17

Ke e ame khavâ hwakecin ae wisa helâke me hna tube ûlâiny, ke e ame bicâ möt; ke e ame khavâ ûkhaûen bihwaban hnân ûkhaû, me khavâ weny ae gan hmâ helâ me ûkot.

Luka 1:75

Hnyi hwakecin ae kap me wisa hnyi hnyimakan hnyi bonguta ta je bong bia thithö.

Ioane 17:17

Okabi ödrin ju ge hnathu gam: he haba hnathu, me hwâm hofuc.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 13:12

E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 6:4

Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen.

Roma 7:6

Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

I. Korinito 15:53

Anyin ae ûcû bi he ka khavâ hna bobot eang ge hna ca bobot bi, me hna mok eang ge hna ca mok bala bi.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:16

Wale me öhmun e ca sënyin bi; eja ke ne a ne bobot tot je unyihmun hnyi hoton, adre me ohâtâ hnyi je bong hia at eû hnyin.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

Galatia 3:27

Anyin a haba öbun hia, adre bapataisoâ ka Keriso, me öbun e khaû öbun ge Keriso.

Galatia 6:15

Anyin ae ca ûnyi hnathu peritom me ca peritom, ke so bi at ae teb ûnyi.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 2:15

kʼ ame ohia hnen hing unyin iwahnaihmiony, wale hnanyibu adre me hûna, a ta je hwakecin adre otilâ; me me he ka op ûnyi ge li at a lo ke at a teb ûnyi, me me hu ûsoköu bi;

Efeso 6:11

Khavâ ju öbun ûkhaûen vat anyin Khong, me me khanʼ öbun he ka tot metâ ka ta je bihihwakecin anyin diabolo.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 1:8

ke e ame hâiâ Nokon, ka habe, Haba ânyâm theron, Khong lö, me nyiele nyiele balua; Ke haba uciny hwakecin ae hnathu, me wale thibi e uciny dokhom dokhu.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.