Efeso 4:22 - Iaai Bible 1901 (New Caledonia)

²² mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Efeso 4:22 ပူးပေါင်းရင်းမြစ်များ

Jobu 22:23

U je ne hmetu but ka Ataekhanahia, me adre me he bi ka up u goranyai; Ke u je ne degec ut hwakecin ae ca wisa ûnyi hnyi umâm je uma mano.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 49:16

Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Obadia 1:3

A hia but omenu u bi hnen hnyekom ae bi gan, u at ame laba hnyi je op hnyi kic, ethö hnyabam; at ame ha hnyi hnyekon, ka habe, Ie at ame he ka ohnyikânö nya hnyikânâi?

Roma 6:6

ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo;

Roma 7:11

anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

Galatia 1:13

Anyin öbun e hia but long ge hwakecik ehac hnyi hmi anyin at Juda, ae gan hmâ hmonyin hnok hna okongoâ ekalesia anyin Khong, me hna oaûâ e:

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

Efeso 4:17

Anyin a wale inya oge me ha me ohnatho ge Than, a öbun e ca he hmetu ka he helâ me Aten ke je hnyei, tavat adre me he hoton je hnyekudra ae ba onyen,

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 4:31

Ûsâkâûö but öbun me hofuc hia ae hiny, me û, me hmonyin, me hwan ae hwege, me haikongoâ, me hnyok ae kong hia:

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Heberu 12:1

ANYIN a wale ame tet igigili öta tavat ohnatho a ödra se hia, me so ate me he minya ka hna degecâ ta je hmak hia, me hulo, wale at ame ohveli öta, ke ate me he ka wadring me hokhnyokâ ûölogot a e hnyi hnyimaköta,

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo:

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

Iakobo 1:26

A ne hu ke at ame ûnykûme a e ame hmi, ke e ame ca noc bi bohmen ke e ame omonoâ hnyekon bi, awe, haba hmi anyin at e, me ûnyi baû bi.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

I. Peteru 4:3

Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki:

II. Peteru 2:13

kʼ adre me he ka vec hnân bi hwaban hnödra hna ovecâ; tavat adre me ûnykûme ae so he ka mede monu hnyi selany, ödra je thatûnyi, ke hnyat ae hu hnyikongon, adre me senyinâ anyidra je thoi kʼ adre me tiga tha han mʼ öbun hnyi bijeû;

II. Peteru 2:7

ke ame omeli Lota at ae wisa hwakecin, ame vec hnyekon ge hwakecin tavat ae kong ae ikiki

I. Samuela 1:14

Ke Eli ame ha kâu ka habe, U me he ka monu ke ne o but kehö? degec ut waina unyâm.