Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 4:16 - Iaai Bible 1901 (New Caledonia)

16 ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.

အခန်းကိုကြည့်ပါ။ ကော်ပီ




Efeso 4:16
28 ပူးပေါင်းရင်းမြစ်များ  

Inya ang vine, öbun ta je vheiny: Haba at ame he ka laba eû hnyi hnyik, inya minya eû hnyi hnyin, wale at ame wa gan dut: anyin ae ca khanʼ öbun ka ânyâ ke ûnyi öbun e ne ûsâkâûö mönya.


Anyin ae hu gata je outhunyin ae se hia hnyi unyin a khaca, ke ca tha hanymen hia bi je ong outhunyin:


anyin a öta se hia, ke khaca thibi areto me khaca unyin: anyin a öta hia ate me ve hu ûnyi hnyi areto a khaca.


Ke walang ang e tethmâ kun ta ûnyi eang, ka habe, labageju, me geju, me ibetengiö; ke haba at ae beönua hnyi kun ta ûnyi eling, me ibetengiö.


KE haba ta je ûnyi adre hudo ka ta je hnatheat: E khanʼ öta a öta hia ate me wâ ûnykûme. Haba wâ ûnykûme ame obigânâ, ke haba ibetengiö ame okahwâ.


Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,


Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.


helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:


me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,


waleji adre wiö nya hnân athnyabainy hoton bwihlany wale ibetengiö baû anyin Khong a ham könya hoton huliwainy maniny man.


hnân he ka owisa wakap, me he ka hom hadruâ huliwa, me he ka op tavat goranyai unyin Keriso:


ke so bi köta he ka ha hofuc ae hnathu hnyi ibetengiö, me me he ka kû thö kâu hnyi ta je ûnyi hia, wale thibi ban, a Keriso;


Ke walang hijic hic, a gʼ ame he ka kû gan hmâ bala anyibun ibetengiö hnyi metâ me wâhmakhmeto hia;


kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.


mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso,


me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;


Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.


ke so Than ame he ka wiʼ öbun, mʼ öbun e he ka hûhûö me si but ibetengiö ke at ka ke at, me ka tavat hia thithö, ke helâe minya öhmun köbun;


Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;


Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:


Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:


Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ