Efeso 4:14 - Iaai Bible 1901 (New Caledonia)

¹⁴ mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 4:14 ပူးပေါင်းရင်းမြစ်များ

Salamo 10:9

E ame laba hnyi dok ae nuong helâ me liona hnyi umen op: E ame mokut duöng he ka kât at adre ovecâ: E ame kât at adre ovecâ, me lelö e hnyi ûten ert.

Salamo 59:3

Anyin a wâ bi, adre me mokut duöng ka hanuk; Tavat hwege adre me ûkhacaköu könya: Iehova lö, ca can hnok hna hanyâûâ, me monu.

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Mataio 11:7

Ke ödru me tiga he, me Iesu ame hwân ka ha ka tavat ae se hia ga Ioane ka habe, Öbun e he but ka hnyi hnyebuba he ka wâ ieû? hlowe, ame jijing ge ang?

Mataio 24:11

Ke ame he ka o ta je perofeta thoi ae se hia me omonoâ tavat ae se hia.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Ta je huliwa 23:21

E so u ma ca he ka ogâ hodra: anyin ae se hon fâte tavat gadra adre me mokut duöng, adre hia but bi khöbi a gʼ adre me ca he ka han me ic ke ne o but adre hia but hlingâ e: ke walang ang adre me laba penapena me halubahingen u me he ka ogâ hodra.

I. Korinito 12:2

E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun.

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

I. Korinito 3:19

Anyin ae monu hnyi hnyimakan Khong metâiny hmeledrany. Anyin adre hia but sihnalimen, ka habe, E ame ohnokâ wametâ hnyi anyidra bibihwakeoin:

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 4:2

ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

Galatia 3:1

AT Galatia ae monu lö, adre me sihnalimen hnyi je hnyimaköbun Iesu Keriso at adre osatauroa, ke ie at ame iyâwʼ öbun?

Efeso 6:11

Khavâ ju öbun ûkhaûen vat anyin Khong, me me khanʼ öbun he ka tot metâ ka ta je bihihwakecin anyin diabolo.

I. Timoteo 3:6

ca at ame ibi hni, wâ e nye began me ame kolu but ka hnyi hnaûhango anyin diabolo.

II. Timoteo 1:15

E khanö u a gʼ adre kec khoto nya ödra hia hnyi Asia; haba Fugelo me Humenaio unyidra.

II. Timoteo 3:13

Ke haba tavat adre me ânyâ hwakecin ae kong, me tavat iyawo, adre me he ka kong tot bala, adre me omonoâ, me adre me ka omonu ödra bi.

II. Timoteo 4:3

Anyin ame he ka o but ûen adre me ca he ka kap hna ûne hnân melen; ke so bi, adre me he ka ûkhöûnâ tavat he ka ûne kodra hoton ta je wedra ae monu, anyin ae hölök ta je hnyikönyödra;

Heberu 13:9

E so adre me ca hom monu öbun hnen ta je hna ûne ae se hia me ve bongon: anyin ae so adre me he ka otethmâ hnyok hnyi ibe-tengiö baû; ca hnen ta je jeû waleji ae ba troban ka tavat adre me vheno ta je ûnyi e.

Iakobo 1:6

Ke so e ame sumat hnyi labageju, ke ba loloâ: anyin a haba at ame lolo, me ûcû me waköiöiny köiö ame oû ang dö me hûnyûnye but.

Iakobo 3:4

Wâ bi minya ta je hu, eja ke ne a ne gan dut, ke ame oû ang ge ang ae hwege, adre wia but hnen wi ae ûhnyûkong helâ me weny tuhan hu.

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

I. Ioane 2:19

Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.

I. Ioane 2:26

Oge hia but sihnalimen ta je ûnyi e köbun ge tavat adre beomonu öbun.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Juda 1:12

Haba ödra ta je okongon hnyi anyibun bijeûiny ibetengiö, ödra ka tha hnyi bijeû mʼ öbun, ödra tavat tuö mamoe adre ha ödra bi, me ca ot; ödra je ûlâ ae ba köien, ame oû ang dö; ödra je ûö ae ba wan hnyi ûen he ka wa, a olo mok, adre oc dö me iwân;

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio: