Efeso 4:11 - Iaai Bible 1901 (New Caledonia)

¹¹ Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

Efeso 4:11 ပူးပေါင်းရင်းမြစ်များ

II. Man Ûlabainy Je Than. 15:3

Ke se hia je bong ae ca hu Khong ae hnathu unyin at Isaraela, ke ba at ûne a at bihut, ke ba hnanyibu:

Jeremia 3:15

ke oge me he ka ham köbun tavat tuö mamoe hoton hnyekuk bi, tavat adre me he ka ha öʼbun ge metâ me wâhmakhmeto.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 21:8

Ke nyi ohmun e he me o hnyi Kaisaria: ke ohmun e didro ka hnyi uma umo Filipo at ame khetâ ûthumetu ae so, ke at hnyi hnyat a seven, me laba unyin.

Roma 12:7

ame ne dikona, ânyâ thö hanymen dikona; ame ne at ûne, ûne thö;

I. Korinito 12:4

E ve bongon ta je bwihlany ke khaca thibi Hanu.

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

Efeso 3:5

waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

Efeso 4:8

Anyin a wale, e ame ha, ka habe, Hnyi ûen e ame ölö thö goranyai, me e ame lelo aten hwenbâ ka hnyi bâ, Kʼ ame ham ta je bwihlany ka tavat.

II. Timoteo 4:5

Ke u me he ka hnyokâ wisa hnyi ta je ûnyi hia, hokhnyok ju hnyi ta je vec, ânyâ thö hanymen at ame huliwan ûthumetu ae so, obekhötâ hanymâm hia thithö.

Heberu 5:12

E ûcû köbun he ka ûne ka tavat anyin ae kuebun dut, ke so bi e ûnyi hnathu a gʼ ame he hmetu ke at ka nʼ öbun ge ta je taben hna ûne a bân hnyi hofuc hwan Khong; kʼ öbun ûcû hmetu he ka ic debai, ke ca he ka han jeû bi.

Juda 1:17

Ke haba öbun, laoûnykûmik lö, ûnykûme ju öbun je hofuc waleji ame ha ehac je aposetolo anyin Tuhöta Iesu Keriso;

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 21:14

Ke twelv ta taben hak veto hnyi taun, ke haba hnyi je taben eling e hu je ien je aposetolo a twelv anyin Arenio.