Efeso 3:5 - Iaai Bible 1901 (New Caledonia)

⁵ waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

Efeso 3:5 ပူးပေါင်းရင်းမြစ်များ

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Mataio 13:17

Anyin ae hnathu inya oge me ha köbun, ka habe, e se hia ta je perofeta me tavat ae wisa hwakecidra adre me weny he ka wâ hnobun hna wâ, kʼ adre me ca wâ bi; me be he ka long hnobun hna long, kʼ adre me ca long bi.

Mataio 20:7

Haingödra kâu, ka habe, Anyin ae ba at ame hawʼ ohmun. Ke e ame ha kodra, ka habe, He thʼ öbun minya ka hnyi hna belökâ vine.

Mataio 23:34

Wâ bi, inya oge me kunâ köbun ta je perofeta me tavat ae metâ, me hnyat sihnalimen: ke öbun e he ka hlingâ me osatauroâ keihen gadrin, ke öbun e he ka osoâ keihen hnyi umöbun je sunago, me sedʼ Ödrin ûnyi hnyi ke taun ka hnyi ke taun:

Luka 10:24

anyin a inya oge me ha köbun e se hia ta je perofeta me ta je than adre me bewâ ta je ûnyi öbun e wâ, kʼ adre me ca wâ bi; me belöng ta je ûnyi öbun e long, kʼ adre me ca long bi.

Luka 11:49

Anyin a wale, ame ha hnen metâ anyin Khong, ka habe, Oge me he ka kunâ kodra ta je perofeta me ta je aposetolo; ke adre me he bi ka hlingâ me okongoâ keihen;

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 16:13

Ke so bi e ka o but e, wale Hanon hnathu, me e ame he ka su öbun ka hnyi ta je hnathu hia: anyin a e ame ca he ka ha ûnyi gan bi; ke e ame he ka ha ta je ûnyi e ame long: ke e ame he ka omanenâ köbun ta je ûnyi ame he ka o.

Ta je huliwa 10:28

me e ame ha ködra, ka habe, E khanʼ öbun a gʼ adre hnyiboâ at Juda he ka ûkhacaköu me ûhakekenyi me aten ta je hnyei; ke so bi Khong ame hia but omanenâ könya, a oge me ca he bi ka hâiâ at, ka habe, e kap, me ikiki:

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

I. Korinito 2:10

Ke a hia but Khong omanenâ köta hnen Hanu: anyin a Hanu ame elelâm ta je ûnyi hia, eke, ta je ûnyi ae dit anyin Khong.

Efeso 2:20

ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;

Efeso 3:9

me he ka omelamâ tavat hia, mʼ adre me he ka wâ hna penapena ae iyong adre ikhâlâ adrem unyin Khong wale at ame op ta je ûnyi hia thithö;

II. Peteru 3:2

mʼ öbun e he ka ûnykûme thö ta je hofuc a bân hwan ta je perofeta ae kap, me hnanyibu anyin Than At ûhomeli a deny anyibun ta je aposetolo:

Juda 1:17

Ke haba öbun, laoûnykûmik lö, ûnykûme ju öbun je hofuc waleji ame ha ehac je aposetolo anyin Tuhöta Iesu Keriso;