Efeso 3:20 - Iaai Bible 1901 (New Caledonia)

²⁰ Haba at ae khana ânyâ ta je ûnyi hia ae beönua hon hnöta hna sumâtâ me ûnykûme ka hnyin, hoton man at ame huliwa eû hnyi je hnyekuta,

Efeso 3:20 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 18:4

e so adre me sâû utköiö, me ösûâ thö je cabun, ke me menâ ju hmelen ûö:

II. Samuela 7:19

Ke ûnyi ae ûhnyûkong e hnyi hnyimâkâm, Than Iehova; ke so bi u je hia but ha ge lap anyin athnyabaem hobi kâu nyiele; ke hoton hwakecin at eling, Than Iehova!

I. Je Than 3:13

Ke oge hia but ham minya köu ûnyi u je ca sumâtâ, wale omjeû me he ka lung, me me ca he bi ka ûcû möu ke than, hnyi bongom ta je bong hia thithö.

II. Man Ûlabainy Je Than. 25:9

Me haingö Amazia ka aten Khong, ka habe, Ötin e he ka kâmâu ta je talan a wan haded waleji o ge ham ka deo vat anyin Isaraela? Ke haingen aten Khong, ka habe, E khanö Iehova he ka ham gânâ köu hon e.

II. Man Ûlabainy Je Than. 9:12

Ke haba Solomona than ame ham ka momo than Sheba ta je ûnyi hia ae weny, e ame sumâtâ, ca ha bi hnen momo hna hom ka than. Me haba momo ame hwio thö me he ka hnyi iny hnyei, tha e me lathnyabainy.

Esodo 34:6

Ke haba Iehova ame he hnyi hnyimakan, me ha, ka habe, Iehova, Iehova, Khong a at ame kölu me betenge, at ame bec ka hmönyin ke gan hmâ anyin so me hnathu;

Khumöng Hwanyi Solomona. 5:1

INYA oge me o ka hnyi ik hnyei, waek, öiök: Oge hia but auk anyik muro, ke anyik je ûö ae bo so; Oge me an anyik hani adre ca hlec tha e me hani; Oge me ijem anyik waina me debai. Je lahanök lö, han ju; Öbun laoûnykûmik lö, ijem gânâ thö.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 32:27

Wâ bi, Inya Iehova Khongon tavat hia thithö: hawa, e hu ke ûnyi ae ca khanö nya he ka ânyâ?

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

Roma 4:21

ame ûnykûme hmâ a e khana he ka ohwâdâ hnen hna ha bânâ.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

II. Korinito 9:8

Ke e khana Khong he ka ogânâ thö köbun ibetengiö baû hia; mʼ öbun e he ka widrany gan hmâ bala hnyi ta je ûnyi hia, mʼ öbun e he ka si hnyi ta je huliwa hia ae so:

Efeso 1:19

me maniny man ae ti gan hmâ hobi köta tavat adre me labageju, hoton ihuliwainy maniny man ae gan hmâ,

Efeso 3:7

waleji adre wiö nya hnân athnyabainy hoton bwihlany wale ibetengiö baû anyin Khong a ham könya hoton huliwainy maniny man.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

I. Timoteo 1:14

ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

Heberu 11:19

ke e ame ûnykûme, ka habe, e khana Khong he ka omelö hmetu, ame ne mok ut at; ke e ame kap hmetu e ûheny e hnyi ûhoûcû.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Iakobo 4:12

Khaca thibi at ame ham hnanyibu, wale at ae khana he ka omelö me omoko; ke u ia at ame ûnykûme ke at?

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,