Efeso 3:19 - Iaai Bible 1901 (New Caledonia)

¹⁹ me he ka khanʼ öbun ibetengiö anyin Keriso ae beönua eling hon metâ, me me he ka ounö-ngöti öbun hnen Khong.

Efeso 3:19 ပူးပေါင်းရင်းမြစ်များ

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 43:4

Me oge me he ka didro ka taben hut anyin Khong, Wale ka Khong hnok hna senyinâ gan hmâ: Khong a Khonguk lö, oge me he ka oganö u ge kitara.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Ioane 1:16

Eke, ate me hia but ve kap jekhoû ûnyi hnyi anyin unöngöt, wale betenge bâu ke betenge bâu.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Roma 8:35

Ie at ame he ka öûsâkâû öta me ibetengiö anyin Keriso? hawa, vec, hlöuhlöu, hna sela, hmiâ, he thu, outen mok, hele vat?

Roma 8:39

me dok ae görany, me dok ae dit, me ke ûnyi adre hia but op, e ca khana ta je ûnyi e he ka oûsâkâû öta me ibetengiö anyin Khong unyi Keriso Iesu a Tuhöta.

II. Korinito 5:14

Anyin ame musi öhmun ibetengiö anyi Keriso; anyin a walang ang ûnykûmenöhmun, a gʼ ame mok ke at hobi kâu tavat hia, awe, a mok hia;

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 1:23

wale unyin, a anyin unöngöt, at ame öunöngötâ hia ge ta je ûnyi hia.

Efeso 3:18

me me khanʼ öbun he ka tha wâ wia me wakap hia bongon ûlauen, ke ibeûen, ke ûgöranyin, ke ûdiliny,

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Efeso 5:25

Obaga lö, betenge ju ka laöiöbun, helâ me hnen Keriso hna betenge ge ekalesia, ame ka bâm e bi hobi kâu e;

Filipi 1:7

ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so.

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.