Efeso 3:10 - Iaai Bible 1901 (New Caledonia)

¹⁰ mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Efeso 3:10 ပူးပေါင်းရင်းမြစ်များ

Salamo 103:20

Haisoi Iehova ju, öbun ta je angela unyin: Öbun hnyat ae man hnyi tang hwege, a hnyat ânyâ hwan hofuc, Me tevehlöng ifucin.

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Ezekiela 3:12

Ke haba hanu ame köp nya göranyai, ke oge me long hnyi hotuk hofuc hwawadring ae hwege, ame ha, ka habe, E so he ka haisoâ hmanenangi Iehova ûnyi hnyi hnen.

Roma 11:33

Shaiba ge ûdiliny metâ ae nua me wâ ûnykûme anyin Khong! e iyong hmonyin anyin owisa, ke ca hnân wâ bi deny ta je gethen!

Roma 8:38

Anyin ae mou thö eû hnyi hnyekuk, ae ca khana bi mok, me möt, me ta je angela, me tavat musi, me ta je ûnyi walang, me ta je ûnyi ame he ka o, me ta je man,

I. Korinito 1:24

ke Keriso man maniny Khong, me metâ anyin Khong ka tavat adre ûca, at Juda me at Helene minya.

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

Efeso 1:21

e beönua bala hon je than hia thithö, me musi, me man, me dokhu, me je ien hia adre me ha, ca hake thibi eang hmeledrany, ke minya bi hnyi ûen ame he ka o:

Efeso 1:23

wale unyin, a anyin unöngöt, at ame öunöngötâ hia ge ta je ûnyi hia.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Efeso 1:8

waleji e ame ham gânâ köta hnyi metâ hia, me wâ wia hia,

Efeso 6:12

Anyin ate me ca ûsöu bi me at, ke ta je musi bi, me ta je man, me ta je tuhan hmeledrany eang ae menekholom, me ta je hanu ae kong hnyi ta je dok ethö hnyi drany.

Kolose 1:16

anyin adre op ta je ûnyi hia thithö ûnyi gan, ta je ûnyi ethö hnyi drany me eang hmeledrany, ta je ûnyi ae manen, me ta je ûnyi ae ca manen, me ta je theron, me ta je dokhu, me ta je musi, me ta je man; adre hia but op ta je ûnyi hia thithö ûnyi gan, me hobi kâu;

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.