Efeso 3:1 - Iaai Bible 1901 (New Caledonia)

¹ ANYIN a wale inya Paulo, a cö nya Keriso Iesu hobi köbun Aten ta je hnyei,—

Efeso 3:1 ပူးပေါင်းရင်းမြစ်များ

Luka 21:12

Ke adre me he ka kot öbun, ke tiga ca o ta je ûnyi eling, me okongu öbun, me hnʼ öbun ka hnyi je sunago, me je uma ceat, me lili öbun ka je than me gavena can iök.

Ta je huliwa 21:33

Ke ame hakekeny dö taben ae nua, me kât e, me hûna he ka ca e ge li tö fao; me hnei, ka habe, e ia? ke ieû a ânyâ?

Ta je huliwa 23:18

Me e ame hom e, me su e ka taben ae nua, me ha, ka habe, Ame hawo nya Paulo, waleji adre ca, me sumatö nya he ka hom hidröu ang köu, anyin ae hu hofuc gan he ka ha köu.

Ta je huliwa 26:29

Me haingö Paulo, ka habe, Inya oge me khöû ka Khong, me me ca hake u thibi, ke ödra hia minya adre me ling nya hnyi bong ang, ame ne ûnyi ge hofuc ae ûhnyûkong ame ne gan, a gʼ adre he bi ka helâ mönya, ke ca ha bi hna co nya eang.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

II. Korinito 1:6

Ke adre me ne oveci öhmun, me wale hnân hobi kâu anyibun kaukahwa me möt; ke adre me ne okahwʼ öhmun, me hnân he ka okahwʼ öbun, wale ame huliwa hnyi anyibun hokhnyok hnyi je vec a tha ûcû me anyihmun je vec:

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 11:23

Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

Galatia 5:11

Ke haba inya, hnyat me lakeiny lö, oge ne khetâ bala peritom, ieû adre me okongu nya bala bi gan? a ne helâe, me ba but hnân othoâ hnyi satauro.

Galatia 5:2

Wâ bi, inya Paulo oge me ha köbun, ka habe, öbun e ne kap hna peritom, me ba troban köbun ûnyi ge Keriso.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Efeso 3:11

hoton hnen hna ûnykûme bânâ, kâû adrem balua, he ka ânyâ ûnyi ge Keriso Iesu a Tuhöta:

Efeso 3:13

Anyin a wale inya oge me sumat mʼ öbun e ca he ka sënyin hnyi anyik ta je vec hobi köbun, wale hnân hobelöû köbun.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Efeso 6:20

inya metâ kʼ adre cö nya can e; me inye hwege thö he ka ha e, wale ae ûcû könya he ka ha.

Filipi 1:7

ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

Kolose 4:18

Anyik italofa hnen hing hnyamok. Ûnykûme ju hnödra hna cö nya. E so e unyibun ibetengiö baû.

Kolose 4:3

ke hic minya hobi kohmun me me he Khong ka khong kohmun deny hwan hofuc, he ka ha ûnyi ae iyong anyin Keriso, wale adre cö nya can;

II. Timoteo 1:16

E so ame he Than ka betenge ka lap anyi Onesiforo: anyin a e osehia okahwö nya, ke e ame ca hmehma gak me tö fao adre cö nya kâu;

II. Timoteo 1:8

Anyin a wale u me ca he ka hmehma he ka ohnatho Tuhöta, ke gak bi inya at adre cö nya: ke so bi, u me he ka hnyi hanen ta je vecin uthumetu ae so hoton man maniny Khong;

Filemona 1:1

INYA Paulo adre me cö nya can Keriso Iesu, me Timoteo ke liamekeiny möta, ohmu me sit kö Filemona a oûnykûmihmu, ke at ame tha huliwa möhmu,

Filemona 1:23

Ame italofa möu Epafera, wale adre tha cö nya më, can Keriso Iesu;

Filemona 1:9

oge me he ka sumatö u hnyi ibetengiö, inya Paulo a hingat, adre cö nya walang ang can Keriso Iesu:

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.