Efeso 2:8 - Iaai Bible 1901 (New Caledonia)

⁸ anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Efeso 2:8 ပူးပေါင်းရင်းမြစ်များ

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 20:9

Me ame o but tavat adre hawâ hnyi awa a eleven, me ödrin e ve kap denari.

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Luka 7:50

Ke e ame ha ka momo, ka habe, U je mödrut ge ânyâm labageju; he thö me hnahic.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:44

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Ioane 6:65

Me e ame ha kodra, ka habe, Waleling me inye ha köbun, ka habe, E ba at ae khana he ka o könya, a ne ca ham kâu hnen Kamen.

Ta je huliwa 13:39

ke kaba hnyat adre me labageju, me adre hai wisʼ ödra hnyi ta je ûnyi hia, wale ae ca khana hnanyibu anyi Mose he ka hai wisʼ öbun hnyin.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Ta je huliwa 15:11

Ke otin e labageju a gʼ adre me he ka omeli otin helâ me Ödra ge betenge baû anyin Than Iesu.

Ta je huliwa 16:14

Ke ame ling ohmun hnen ke momo Lidia ien, at ame ûcû mano ae udrudrâ hlit, aten taun a Thuataira, at ame hmi ka Khong: ke haba Than ame khong ut hnyekon he ka long ta je hofuc ame ha Paulo.

Ta je huliwa 16:31

Ödru me ha, ka habe, Labageju ka Than Iesu, me u me he ka möt, me ânyâm bi lap.

Roma 10:14

Ke adre me he ka kâmâu ka hawâ e, kʼ adre me ca labageju kâu? ke adre me he ka kâmâu ka labageju kâu, kʼ adre me ca löng? ke adre me he ka kâmâu ka long, ke ba at ame khetâ?

Roma 10:17

Awe, adre me labageju ûnyi hnyi hna long, ke adre me long ûnyi hnyi hofuc hwan Keriso.

Roma 4:16

Anyin a wale me ûnyi hnyi labageju, me me he ka hoton ibetengiö baû; me me tethmâ hna ha bânâ hobi kâu je mâtrân hia; ca hake kodra hnyi hnanyibu thibi, ke kodra minya hnyi labageju anyi Aberahama, waleji a kamöta hia thithö,

Roma 4:5

Ke haba at ame ca huliwa, kʼ ame labageju thibi ka at ame haiwisa at ae kong hwakecin; baba anyin bi labageju, me adre me he ka ha a hnân hwakecin ae wisa.

Roma 9:16

Waleling me me ca ûnyi gan bi at ame weny, ke ca ûnyi minya ge at ame wadring, ke ûnyi bi ge Khong, at ae betenge.

Galatia 3:14

me me o but hnahic anyi Aberahama ka Aten je hnyei ga Keriso Iesu; me me hu thö köta hnen labageju Hanu adre ha bânâ.

Galatia 3:22

Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.

Efeso 1:19

me maniny man ae ti gan hmâ hobi köta tavat adre me labageju, hoton ihuliwainy maniny man ae gan hmâ,

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,

Heberu 6:4

Ke haba tavat adre bân ka omelamâ, waleji adre me drem cubecâ bwihlany ûnyi hnyi drany, me hnyi kap Hanu Kap,

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.