Efeso 2:7 - Iaai Bible 1901 (New Caledonia)

⁷ me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 2:7 ပူးပေါင်းရင်းမြစ်များ

Salamo 106:48

E so he ka haisoi Iehova, Khongu Isaraela, Hwân ehac balua ke ne o but nyiele balua. Ke so ame he tavat hia ka ha, ka habe, Amen. Oganö Ja thʼ öbun.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 3:21

me so adre ogânâ e hnyi ekalesia me hnyi Keriso Iesu hnyi ta je dö hia nyiele nyiele balua. Amen.

Efeso 3:5

waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

II. Thesalonika. 1:12

mʼ adre me he ka ogânâ unyibun ien Tuhöta Iesu, ke öbun minya unyin, hoton ibetengiö baû anyin Khonguta me Than Iesu Keriso.

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,

I. Peteru 1:12

Adre me omanenâ kodra a gʼ adre ca huliwan ta je ûnyi eling kodra, ke so bi köbun, waleji adre haimemenâ köbun walang ang hnen tavat adre me khetâ köbun ûthumetu ae so ûnyi ge Hanu Kap adre kunâ ûnyi hnyi drany; waleji a ta je ûnyi ame weny ta je angela he ka selâdrâ.