Efeso 2:5 - Iaai Bible 1901 (New Caledonia)

⁵ waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 2:5 ပူးပေါင်းရင်းမြစ်များ

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Ta je huliwa 15:11

Ke otin e labageju a gʼ adre me he ka omeli otin helâ me Ödra ge betenge baû anyin Than Iesu.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Roma 3:24

ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu:

Roma 4:16

Anyin a wale me ûnyi hnyi labageju, me me he ka hoton ibetengiö baû; me me tethmâ hna ha bânâ hobi kâu je mâtrân hia; ca hake kodra hnyi hnanyibu thibi, ke kodra minya hnyi labageju anyi Aberahama, waleji a kamöta hia thithö,

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 5:6

Ke hnyi ûen a öta tiga sënyin, me ame mokcu Keriso, hnyi ûen ae ûcû, hobi kâu tavat ae kong.

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

II. Korinito 13:14

E so e unyibun hia thithö ibetengiö baû anyin Than Iesu Keriso, me ibetengiö anyin Khong, me tha e mʼ öbun Hanu Kap.

Efeso 2:1

KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Tito 2:11

Anyin a manen dut ibetengiö baû anyin Khong, wale ame hom möt ka tavat hia thithö,

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Hna Omanenâ 22:21

E so e unyin wakap ibetengiö baû anyin Than Iesu. Amen.