Efeso 2:4 - Iaai Bible 1901 (New Caledonia)

⁴ ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 2:4 ပူးပေါင်းရင်းမြစ်များ

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Salamo 145:8

E betenge baû me betenge vec Iehova; E bec he ka hmönyin, ke betenge gan hmâ.

Salamo 51:1

KHONG lö, betenge ju gak hoton ânyâm ibetengiö: Kot degecâ but hnok ta je hna hanyâûâ hoton ûganiny ânyâm tang betenge.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Esodo 33:19

Me e ame ha, ka habe, Oge me he ka kunâ anyik so ka hnyi hnyimâkâm, ke oge me he ka omanenâ iö Iehova hnyi hnyimâkâm; ke oge me he ka betenge ge at ae bewek ka betenge gan, ke oge me he ka kölu ge at ae bewek ka kölu gan.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Daniela 9:9

E unyin Than a Khonguhmun ibetengiö, kʼ ame thang degecâ hulo; anyin a öhmun e hia but ûkhin fuc kâu;

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Luka 1:78

Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

II. Thesalonika. 2:13

Ke hamöhmun he ka oleâ bala bi gabun, hnyat me lakeiny a laoûnykûminy Than, anyin a Khong ame ûcʼ öbun ûnyi hnyi can he ka möt, hnyi hna okabâ hnen Hanu, me he ka kap hnathu.

I. Timoteo 1:14

ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,