Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 2:3 - Iaai Bible 1901 (New Caledonia)

3 ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

အခန်းကိုကြည့်ပါ။ ကော်ပီ




Efeso 2:3
54 ပူးပေါင်းရင်းမြစ်များ  

Haba Adamu ame möt hnyi khaca haded ke thöte ta je huna, me e ame hnokoâ ke da helâ me e bi, me we e; me hwenyi ien, me, Setha:


Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.


Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.


Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.


Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?


Wâ bi, adre me hnöku nya hnyi monu; Ke a erkin mönya bai hnyi hulo.


Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.


me ame didro ta je hna ûnykûme je ûnyi eang hmeledrany, ke iyawöiny omjeû, ke behnyekon ka ta je thatûnyi, me kû takoû but hofuc, me ame ca wa bi.


ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.


Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.


at ame hna ta je hnyei hia ehac he ka vheno dedra ta je gethen.


Anyin a wale Khong ame hnʼ ödra ka hnyi je weny hnyekudra ae kong, me hwakecin ae ikiki, mʼ adre me he ka ûokong-oâköuâ je unyidra:


Anyin a öbun e ca long hoton Khong ehac, ke walang ang adre me betenge gabun ûnyi hnyi hnödra hna ca long hoton,


Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.


anyin a e ka ka ânyâ baûâ bi hnen Aten ta je hnyei ta je ûnyi ae ûcû me hnanyibu, ke ba hnanyibu gadra, awe, haba tavat eling, wale ae ba hnanyibu gadra, me ödra bi hnân ke hnanyibu hobi kodra bi;


Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.


Ke walang ang adre me haiwisʼ öta ûnyi ge dreny, awe, adre me he ka ti omeli öta minya ûnyi gan hnyi hmonyin.


Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:


Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.


A ne beomanenâ tang hmonyin Khong, me olungâ maniny man, me ame hokhnyokâ beû hmâ ta je utkaiainy hmonyin waleji adre penapena hobi kâu hnaûhango:


Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?


HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.


Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.


waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;


mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;


Ke öbun ta je atkanyua ehac me iwahnaihmiony hnyi hnyekubun hnyi anyibun ta je huliwa ae kong, ke e ame hia but öûsoköuâ walang ang


Hnyat me lakeiny lö, e bewehmun e me khanʼ öbun bongon tavat adre me mokut ut; mʼ öbun e ca he ka tenge helâ me keihen ae ba geju gadra.


anyin a wale, ca he öta ka mokut helâ me keihen, ke ate me he ka hmâkâ me metâ but.


Ke haba tavat adre me wedra he ka tren omjeû adre me ta but ka hnyi ûcûbic me hnewe me ta je weny ae monu me hnân okongo, wale hnân odilâ tavat hnyi ûohia me hnaûhango.


Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.


e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:


a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;


Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;


Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.


Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ