Efeso 2:13 - Iaai Bible 1901 (New Caledonia)

¹³ Ke walang ang, haba öbun hnyat ae sâkâu ehac, me unyi Keriso Iesu adre me oûhakekenyi öbun ûnyi ge dren Keriso.

Efeso 2:13 ပူးပေါင်းရင်းမြစ်များ

Salamo 22:7

Haba tavat hia adre me ō nya, me adre me hlumö nya: Adre me obeûâ je esongodidra, me nyinyikâ je bödra, me haingödra, ka habe,

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Ta je huliwa 22:21

Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 8:1

ANYIN a wale, e ba hmetu hnaûhango kodra unyin Keriso Iesu.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Efeso 1:1

INYA Paulo, aposetolo anyin Keriso Iesu ûnyi ge weny Khong, oge me sihnalimen ka wakap hnyi Efeso, me tavat adre me labageju ka Keriso Iesu:

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 2:6

ke ame tha otilʼ öta hmetu thö më, me tha olabʼ öta hnyi ta je dok ethö hnyi drany ûnyi ge Keriso Iesu:

Heberu 9:18

Anyin a wale adre me ca ohmâ ûhihinyköu a bân, e ka ba dra hnyin.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,