Efeso 2:11 - Iaai Bible 1901 (New Caledonia)

¹¹ Anyin a wale ûnykûme ju a öbun Aten ke je hnyei adrem ûnyi hnyi unyin, kʼ adre wenyi öbun, ka habe, Wacaperitom, hnen tavat adre me wenyö, ka habe, Waperitomonâ hnyi unyin, kʼ adre ânyâ ge hnyam;

Efeso 2:11 ပူးပေါင်းရင်းမြစ်များ

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Mataio 20:7

Haingödra kâu, ka habe, Anyin ae ba at ame hawʼ ohmun. Ke e ame ha kodra, ka habe, He thʼ öbun minya ka hnyi hna belökâ vine.

Roma 11:17

Ke adre ne thu degecâ but ke je anginy, ke u elaioiny hnyot adre ûhûjâköuâ unyidra, ke u me tha hu mödrin iwân me dân elaio;

Roma 2:26

Anyin a wale, a ne vheno wisainy hnanyibu tavat adre ca peritomonâ bi, hawa, adre me ca he ka hâiâ tavat adre ca peritomonâ bi, ka habe, ta je peritom?

Roma 2:27

Ke haba tavat adre ca peritomonâ bi, ke ka e bi, ke ame long hoton hnanyibu, hawa, adre me ca he ka haikongu u, at ae hu tusi me hna peritom, kʼ u at hanyâûâ bi hnanyibu?

I. Korinito 12:2

E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Galatia 2:15

Ötin at Juda ûnyi hnyi unyin, ke ca Aten ke je hnyei bi ae monu,

Galatia 6:12

Haba tavat adre me wedra he ka haiso, ödra hnen at, me adre me ûjongi öbun he ka peritom; ke adre me ânyâ helâe wâ adre nye okongu ödra can satauro anyin Keriso.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

Deuteronomi 16:12

Ke u me he ka ûnykûme hna thaluö u hnyi Aigupito: ke u me he ka wâ wia me ânyâ je hnanyibu e.

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Kolose 1:21

Ke öbun ta je atkanyua ehac me iwahnaihmiony hnyi hnyekubun hnyi anyibun ta je huliwa ae kong, ke e ame hia but öûsoköuâ walang ang

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.