Efeso 2:10 - Iaai Bible 1901 (New Caledonia)

¹⁰ Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 2:10 ပူးပေါင်းရင်းမြစ်များ

Salamo 100:3

Khanʼ öbun dö a Iehova thibi Khong: E thibi at a up öta, ke öta bi laten; Öta ta je lakeiny, me mamoeiny iny ta hnyei.

Salamo 119:3

Eke, adre me ca hnyi ânyâ hwakecin ae hwali; Kʼ adre me vheno deny ta je gethen.

Salamo 138:8

Ame he Iehova ka obekhötâ hobi könya: Iehova lö, nyiele balua ânyâm ibetengiö; Ca hna degecâ bi ta je huliwa anyin li hnyamâm.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Salamo 81:13

E na he ju lakeik ba ling nya, Me vheno dek je gethen hnen at Isaraela!

Isaia 19:25

anyin ame hia but Iehova tuhan sabaoth hahnahici ödra me ha, ka habe, E so e hnahic Aigupito a lakeik, me Asuria troban li hnyamok, me Isaraela jekhöûk.

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Ioane 3:21

Ke haba at ame mâdrâ hnathu, e ame he ka hnyi melam, me me manen dut anyin ta je huliwa, a gʼ ame mâdrâ ûnyi ge Khong.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Ta je huliwa 9:36

Ke e hu hnyi Jopa ke aten, Tabitha ien, kʼ adre me wia bongon ien, me Doreka: haba momo e, me unöngöt ge ta je huliwa ae so kʼ ame betenge ka ta je theduoc.

Roma 8:1

ANYIN a wale, e ba hmetu hnaûhango kodra unyin Keriso Iesu.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

II. Korinito 5:5

Ke Khong at ame up öhmun hobi kâu e, waleji at ame ham kohmun haten Hanu.

II. Korinito 9:8

Ke e khana Khong he ka ogânâ thö köbun ibetengiö baû hia; mʼ öbun e he ka widrany gan hmâ bala hnyi ta je ûnyi hia, mʼ öbun e he ka si hnyi ta je huliwa hia ae so:

Galatia 6:15

Anyin ae ca ûnyi hnathu peritom me ca peritom, ke so bi at ae teb ûnyi.

Efeso 1:1

INYA Paulo, aposetolo anyin Keriso Iesu ûnyi ge weny Khong, oge me sihnalimen ka wakap hnyi Efeso, me tavat adre me labageju ka Keriso Iesu:

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 2:13

Ke walang ang, haba öbun hnyat ae sâkâu ehac, me unyi Keriso Iesu adre me oûhakekenyi öbun ûnyi ge dren Keriso.

Efeso 2:15

kʼ ame ohia hnen hing unyin iwahnaihmiony, wale hnanyibu adre me hûna, a ta je hwakecin adre otilâ; me me he ka op ûnyi ge li at a lo ke at a teb ûnyi, me me hu ûsoköu bi;

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 2:6

ke ame tha otilʼ öta hmetu thö më, me tha olabʼ öta hnyi ta je dok ethö hnyi drany ûnyi ge Keriso Iesu:

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Filipi 1:6

ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

II. Thesalonika. 2:17

hamen he ka okahwa je hnyekubun me otethmâ hnyi ta je huliwa ae so me hofuc ae so hia thithö.

I. Timoteo 2:10

ke so bi hnyi ta je huliwa ae so (wale ae ûcû ka omomo adre me haimemenâ a ödra tavat outen Khong.)

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

I. Timoteo 5:25

Ke helâe minya e hu ke ta je huliwa ae so ke manen dut; ke haba keihen ta je huliwa ae ke bongon bi, e pason he ka ikhâlâ.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

II. Timoteo 2:21

Anyin a wale, a ne ke at ame ka ânyâwia e bi ûnyi hnyi ta je ûnji eang, me e ame he ka kaia hnân haisoâ adre okabâ, me ûcû he ka huliwan hnen at ae tren uma, me hna penapena ka hnyi ta je huliwa ae so.

II. Timoteo 3:17

me me bekhöt ut soiny aten Khong, wale at adre hia but penapena hobi kâu ta je huliwa hia thithö ae so.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 2:7

oma-menö u thö hnân tulutiny ta je huliwa ae so, hnyi ta je ûnyi hia; e so e manen bi hwakecin ae fâfâ hnyi hnâm hna ûne, me ûnykûme wia,

Tito 3:1

OÛNYKÛMI ödra a gʼ adre me he ka löng hoton ta je than, me tavat musi, me he ka ûling, me laba penapena ka hnyi ta je huliwa hia ae so,

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

Heberu 10:24

ke so ate me ûnykûmeköuâ, me me he ka kû ibetengiö me ta je huliwa ae so;

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:6

haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.