Efeso 2:1 - Iaai Bible 1901 (New Caledonia)

¹ KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:1 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Mataio 8:22

Ke haba Iesu ame ha kâu, ka habe, He hotuk, ke hamen ta je komok he ka konâm ta je kokidrin.

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 15:45

Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt.

II. Korinito 5:14

Anyin ame musi öhmun ibetengiö anyi Keriso; anyin a walang ang ûnykûmenöhmun, a gʼ ame mok ke at hobi kâu tavat hia, awe, a mok hia;

Efeso 4:18

adre me olidrâ je ûnykûmenödra, me atkanyua but ge ûhomeli anyin Khong anyin ae ca khanʼ ödra, anyin adre ohnâkâ je hnyekudra;

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

I. Timoteo 5:6

Ke haba momo ame elâm senyin hnyi unyin, me a mokcu bi, ke tiga möt unyin.

I. Ioane 3:14

E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

Hna Omanenâ 3:1

KE sihnalimen ju ka angela anyin ekalesia hnyi Saradi, ka habe, Walang ta je ûnyi ame ba hnen at ae hu je Hanu a seven anyin Khong, me je okhû a seven: E khanö nya but ânyâm ta je huliwa, wale ae hu iâm a u möt, kʼ u mok bi.